Sikaraya 10:7 - Udél Dwata: Gna Kesfasad ne Lomi Kesfasad

⁷ Yó kem tau Israél, angat le baling kemgis, lómón kgis yó kem sendalù alì hulung sfatay. Tey kehligal le, lómón kehligal yó kem tau minum tifas grép. Angat ton yó kem ngà le yóm nmou bélê le ni, ne tey kehligal le se kul.

Sikaraya 10:7 Referans Kwoze

Sikaraya 9:15

Fen kenlungen yó kem tauhen yóm Dwata laen dù là gbeken du ne gotu genlà le yó kem hohon le gel hmasut kul botu. Tey angat kehsag le bè yóm kesgida le lómón kehsag yó kem tau lengel. Gotu namà le litô yó kem hohon le, tódô molo lómón kolo litô yó kem ógóf gel dsù le, yóm gel snilung le mò twél le ta yóm gónó demsù.

1 Pitér 1:8

Balù yóm là deng kton ye ke Jisas he, deng sana eles bong ne yóm nawa ye du. Balù là ton ye du ni kmoen ni, ewenem deng ye sana hemtahu béléen. Ne lemwót bè yóm kehtahu ye, laen selen yóm tey kligal ye, yóm kligal là gbek ye hmingón du.

Flipay 4:4

Hol ye tendo gel hligal dé lemwót bè yóm deng kessotu ye bè yóm gónó tekuy mogot. Bud nulitu bélê ye yóm monu yó koni, hol ye gel hligal dé.

Kul Nmò 2:26

Ne yó gónón tendo maan nawahu, ne sal gel dilô bè kudélu yóm kligalu. Anien ke mataye, wen hendónu sentuhen,

Kun Snulat Jan 16:22

Senged se kuy, tolo ye langag ni kmoen ni. Okóm sok tekuy bud ston, bud wen tey kligal ye. Ne laen kô dù tau gembek mkó du bélê ye yóm kligal ye yó.

Kun Snulat Luk 1:47

ne tey kehyu nawahu ebè Dwata, yóm deng lemwà do gu lem hatay.

Sikaraya 9:17

Ya tey angat klendey mton kul. Angat le kemgis yó kem lomi lemnok, logi duhen libun, lemwót bè yóm tey halay le ne tifas grép le hanà lomi.

Sifanaya 3:14

Yó udél Sifanaya, monen, “Ó kem tau bè Sayun, hol ye semngal dé. Hol ye hligal mensag, kem tau Israél. Yó kem tau bè Jirusalim, hol ye hligal se kuy. Hol hewót ye lem but blutut ye yóm kehligal ye.

Hbakuk 3:18

okóm sana yó ne kligalu ebè yóm sana Dwata hol gónó mogot, abay se du yóm hol Dwata yóm fen lemwà do.

Jirimaya 32:39

Ne laen kô dù tul sónen yóm keblayu kul yóm kessotu nawa le anì sónmoen wen klikò le dou mò kul kehyu dalang se yó kem angat lugod le.

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Kem Lingón 102:28

Yó kem ngà yó kem tauhem, laen dù hemen le. Yó kem lugod le, angat tey kbegel le bè soluhem.”

Kem Lingón 28:7

Dwata yóm gel temgel dou, ne bud du se kemlung dou bè yó kem sidek. Hol lemwót lem but blututu yóm ksaligu du. Tendo tnóbóngen ou, ne ya tey kligalu. Gel utómu lingón yóm kdóyónu du.

Kem Lingón 13:5

Okóm snaligu yóm là konol yóm kbong nawam dou. Hligale, abay se dohò yóm kehewaem dou.

1 Samwél 2:1

Omin Hana mni bè Dwata, monen, “Tey kehefligalen do Dwata. Ya tey któbóngen dou. Laen dù bud gónóhu myak ne bè yó kem hohonu, tey kligalu ne ni lemwót bè yóm tey któbóng Dwata do.

Tekang Kbuten 43:34

Yóm kkay le kul ken, sal lemwót bè kun lemisa Jusif. Botong limu dulék le mkay ken ebè Bindyamin kun senta yó kem dumun. Tey kken le ne tey kinum le bè yóm kmung le mken bè Jusif yó.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Kem Lingón 90:16

Htonem kum mi kem kóm tau yóm tey kegbekem. Ne bud htonem yó kem semfu gu bélê me snéen yóm tey klinggelen yóm kegbekem yó.

Kem Lingón 33:21

Tey hyu nawa tekuy, abay se wen yóm kut Dwata. Hol snalig tekuy abay se yóm Dwata laen kô dù belenen.

Isaya 54:13

Tódô ou ne tmolok yó kem tauhem anì wen gendeng le ne anì menek kbenwu le.

Isikél 37:25

Angat le nô bè benwu Israél, yóm benwu tehe gónó le nô yó kem tehe fù le, yóm benwu tehe blayu ke Jakub, yóm sotu tau tóbóng lówóhu. Laen kô dù sónen yóm knô le bè yó, dalang se yó kem ngà le kkólen bè yó kem angat lugod le elem hulin kdaw. Ne Dabid yóm tau tóbóng lówóhu, angat laen kô dù sónen yóm kegetahen bélê le.

Juwél 2:23

Ó kem tau bè Jirusalim, hol ye hligal se kuy. Hnigal ye yóm sana kuy Dwata hol gónó mogot. Yóm kulón hwiten ebélê ye mò gónón hegfan du yóm nawahen kuy. Angat bud hwiten ebélê ye yóm kulón geblà bè yóm kdaw ye mulu ne yóm kulón geblà bè yóm kdaw ye muta, lómón yóm gnan.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Sikaraya 12:8

Bè yóm kdaw yó, kenlung Dwata lu yó kem tau bè Jirusalim ne balù yó kem tau alì lunog bélê le, angat tey kekgis le lómón tehe kekgis Dabid. Ne yó kem sfu Dabid, angat lómó kmò le lómón ke Dwata ne lómón kmò le yóm hógów Dwata gel tukô gna kul.