Sikaraya 10:3 - Udél Dwata: Gna Kesfasad ne Lomi Kesfasad

³ Yó udél Dwata, monen, “Tey sidek kebutu kul yó kem tau semgyok yó kem ubihahu, angat tnafaku lu yó kem tau gel malak kul yó. Yakà dengen kól yóm Dwata laen dù là gbeken du nan e sen-gyok yó kem kun ubiha, duhen yó kem tau Juda. Angat tey kehekgisen kul, lómón yó kem kudà kemgis gel nwit le bè gida.

Sikaraya 10:3 Referans Kwoze

Isikél 34:2

“Ó Tau Tonok, eles tugodem do yóm udélu ebè yó kem tau semgyok yó kem dou ubiha, duhen yó kem tau malak yó kem dou tau Israél. Tulónem kul yóm udélu, udél yóm sana Dwata hol dandónen geta, monem mò kul, Yu kem tau malak bè Israél, deng ye golu elem hatay ne. Són olo sen-gyok ye són yóm kuy knô, là kô dog olò sen-gyok ye kul yó kem dou ubiha nalak ye.

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Kem Udél Hlalak Tehe Selumun 21:31

Baluen he ke deng eles hentifes yó kem kudà mò gel nit sfatay, okóm són Dwata gónón gel lemwót yóm kegmò.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

Rut 1:6

Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Sifanaya 1:8

Yó udél Dwata, monen, “Bè yóm kdaw yó, angat gotu tnafaku yó kem tau malak bè Juda, dalang se yó kem ngà tau hol geta genlal. Ne gotu homong tnafaku yóm kdéen tau gel lemolò yóm kul kmò kehtahu yó kem tau bè tólóng benwu.

Jirimaya 25:12

Kogol yóm hitu folò halay yó, angat tnafaku yóm tau hol geta bè Babilun kkólen bè yó kem tauhen lan le tendo mò sidek,” mon Dwata. “Yóm benwu Babilun, nmou benwu là hyu menwu du efet laen dù tul sónen.

Jirimaya 10:21

Yó kem tau gónó me galak laen kô dù mu le. Là kô le halak bè Dwata ne là kô hnebel le du yóm kun kóyô. Ni se yóm duón gónó le meglà yó kem tau nalak le ne gónó le gotu sekla.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Isikél 34:12

Yóm nmou bélê le, hol lómón yóm tau gel semgyok ubiha, gotu bud hnebelen yó kem ubiha deng sekla. Angat bud nebelu lu yó kem dou ubiha deng sekla ne lenwau lu gu bè yó kem benwu deng gónó le e sekla bè yóm gnan kdaw alì sidek kget kkifuhen.

Job 39:25

Bè ket kungol le du yóm uni féw tey kekdél le, lómón ke deng gungef le boo sfatay gu laan le là deng kól du ne gungol le snéen udél le htê yó kem tau genlal mdók yó kem sendalù nalak le.

Isikél 34:11

“Ni se bud udél yóm sana Dwata hol dandónen geta, monen, Tódô ou ne angat mebel kul yó kem dou ubiha efet gotu tonu lu.