Sikaraya 10:2 - Udél Dwata: Gna Kesfasad ne Lomi Kesfasad

² Abay se yó kem dwata kéng gel tnaba le bè gónô le, gel le tmulón kéng. Dalang se yó kem gel hemgawang, kéng yóm gel tulón le. Ne yóm lan kna gel tulón yó kem dumu tau, là tahuhen. Laen kô dù gónó le temgel nawa tau yóm kdê le. Yó gónóm mon, laen kô dù mdengen lan lolò le yó kem tau, mkél le bè yó kem ubiha tabag, laen dù tau mdengen semgyok kul ne malak kul.

Sikaraya 10:2 Referans Kwoze

Matyu 9:36

Bè yóm gel ktonen yó kem tey tau wen gel sbung ebéléen, tey kkoduhen kul, abay se tey dê gónó le glayam, ne laen kô dù tmóbóng kul. Lómó ktonen kul, lómón yó kem ubiha laen dù tau mdengen semgyok kul.

Hbakuk 2:18

Tedu se guta ye du yó kem dwata lennged nmò tau? Tey nungel yóm tau smalig bè yó kem nmò tdok tau. Tedu se mu ye hemtahu du yó kem lennged là mudél yó?

Husiya 3:4

Yó hnigaden yóm udél Husiya ni, nahen hol legen he bè yó kem tau Israél yóm klaen dù tagad tau hol geta bélê le duhen ke ngà tau hol geta mò malak kul. Nahen hol legen he yóm klaen dù bélê le bud demsù ebè Dwata ne laen se dù bud botu hdà le mò gónó le tmaba ebè yó kem dwata kéng gel tnaba le. Laen se bud dù tau blóng ebè Dwata ne balù yó kem dwata lennged, laen dù bud tonem lem blóng le.

Isikél 34:5

Yó gónóm mon, tódô le gotu sekla yó kem dou ubiha lanen laen dù tau semgyok kul. Tey mahil bè yó kem ógóf lem bnes msék kul.

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Isikél 34:8

Safau bélê ye hlanu bè yóm là katayu, ou se yóm sana Dwata hol dandónen geta ne ni se yóm dou udél. Yó kem dou ubiha, deng tódô bayà hsék ye lu bè yó kem ógóf lem bnes. Igoen yu yó kem tau hesegyoku kul, moen de ke là hnebel ye kul yó kem dou ubiha deng lana? Són kuy knô yóm sen-gyok ye, fen mom henus ye yó kem dou ubiha.

Mika 2:12

Yó bud udél Dwata ebélê le, monen mò kul, “Okóm yu kem dù tebel bè yó kem tau Israél, hulin kdaw gotu bud sentifunu yu. Gotu bud nwitu yu semfulék lómón yó kem ubiha bud mulék ebè yóm hol kul gónó nô ne lómón yó kem ógóf bud mótób bè yóm hol kul gónó mótób. Yóm benwu ye, angat tey bud genged tauhen.”

Jirimaya 37:19

Nô se lu du yó kem dumu tugodem yóm tmulón du kóm yóm là kundug le yóm benwuhem yó kem sendalù Babilun?

Jirimaya 29:8

Yó udél yóm Dwata laen dù là gbeken du yóm Dwata yó kem tau Israél, monen, “Bê ye abay hegsukat bè yó kem hlingón tugod dwata ne bè yó kem tau demwata nô bè yó bè Babilun. Hol bê ye abay hmungol ke wen kna tulón le.

Jirimaya 23:17

Yó gel tulón le bè yó kem tau gel kembê du yóm dou tulón, mon le, ‘Hono hyu yóm angat sut bè klowil ye.’ Ne wen bud tulón le bè yó kem tau senflós le mò sidek lemwót bè yóm kgel kulu le gel mon le mò kul, ‘Angat laen kô dù bang hemen ye se kuy.’

Jirimaya 14:22

Laen kô dù bè yó kem dwata kéng ke gbeken hkulón. Balù longit, là kô gbeken du hkulón ete tonok. Són uu, Dwata, ken-gel nawa me yóm hol kum gónó mogot. Tek són uu gembek mò du ni kem hni me béléem ni. Nangat me yóm któbóngem kum.

Jirimaya 14:13

Ominu yó mudél ebè Dwata, monu, “Ó Dwata yóm hol dandónen geta, wen tulón yó kem tau gel tmugod lem blóng le mon le mò kul, ‘Laen dù gida angat sut bè benwu tekuy ne laen se dù bitil angat mbel lem blóng tekuy. Angat henek Dwata he lem yóm benwu tekuy.’ ”

Jirimaya 10:8

Yóm kdê le gel tmaba bè yó kem dwata lennged le hono nungel, tau laen dù tngón le. Tedu se dnalang le bè yó kem dwata koyu le?

Jirimaya 6:14

Yó kem dou tau tey sidek khalì le, yóm halì là bud lowil le du. Yó nmò yó kem tau smukat yó, wen ngà bulung lunol le tahen, okóm là kóen mkó du.

Isaya 46:5

Yó bud mon Dwata, “Wen kô gónó ye heskél dou? Wen kô gemsenged do?

Isaya 44:9

Yó kem tau gel mò dwata lennged laen kô mu le. Ne yó kem lennged nmò le laen kô dù muhen, balù yóm tey sidek kebtesen bè yó kem tau mò kul. Lómón ke butô le yó kem tau hemtahu du yó kem dwata lennged yó, laen kô dù tngón le. Angat sidek kyak le.

1 Bok Kem Tau Hol Geta 22:17

Omin Mikaya mon du mò du, “Wen hton Dwata do. Tódô tonu yóm kdéen tau Israél, deng le gotu sekla ta yó kem bulul lómón tô le kem ubiha laen dù tau mentey kul. Ne yó mon Dwata, ‘Deng matay yóm tau malak kul. Hulékem lu anì menek nawa le.’ ”

Lista 27:17

yóm tau gbeken malak kul ebè gida anì là mkél le bè yó kem ógóf laen dù malak kul.”

Mark 6:34

Timbow le dmuung le Jisas, tódô glo le yó kem tey tau wen. Ya tey kkodu Jisas kul, abay se lómón tô le ubiha laen mdengen semgyok kul. Ominen tódô mbut tmolok kul bè yó, ne tey dê toloken kul.

Jirimaya 23:32

Hol hnungol ye yóm dou udél ebélê ye. Tey kekbéu kul yó kem tmugod gel tmulón kna kéng. Nwit le lu tlas yó kem dou tau mlan bè yóm kna kéng gel tulón le. Là kô naw e hógów kul dou yó kem tmugod yó, là kô naw e nélék kul. Laen kô dù gónó le gemtóbóng yó kem tau.” Là gomongen bè nili yóm bérs 33 kól bè bérs 40. Yó tulónen bè ni kem bérs ni yóm gel tulón yó kem tau lembù tmugod ke Dwata, yó gel mon le, “Udél lemwót bè Dwata nim udélu ni.” Anì monem là. Lemwót bè yóm tey keblat nawa Dwata bè nim nmò le ni, yó gónóhen homong kul bè yó kem dumu tau negef le ebè tólóng benwu. Tey kehyaken kul, yóm yak là mkóhen ta le efet kól bè sónen.

Dwata 13:2

anien he ke dohò yóm tulónen yó. Ngem kà angat monen du mò kuy, ‘Géhél ye ne, tmaba tekuy ebè yó kem tólóng dwata.’ Blaem yó kem dwata lennged monen yó, kem dwata là deng hnikót kuy tngón du.

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.