Sikaraya 10:11 - Udél Dwata: Gna Kesfasad ne Lomi Kesfasad

¹¹ Angat le mlan gu lem yó kem tey dê gónó le glayam, hol lómón ke wen mohin nifal le, okóm laen dù gfà le lemwót bè yóm któbóngu kul. Hensengu lewók yóm mohin nifal le yó, ne botong hektihu yóm tey él nelem boluyen Nayl. Yóm alì keheklabak yó kem tau Asirya, són ketngónem du ne yóm alì kfasang yó kem tau Idyip, deng gesón.

Sikaraya 10:11 Referans Kwoze

Isaya 43:2

Ke nifal ye yóm él nelem, elese gel mung kuy. Là kô ye limes bè yó kem mgel sut bélê ye. Ke mlan ye gu lem ofi, là kô ye na a mlób. Yó kem tilów mgel gel sut bélê ye, là kô nan e gehsidek kuy.

Deng Hegfan 16:12

Ne lemwót yóm gnem hógów Dwata, koken se kun tukung bè yóm tey él bong boluyen Yufratis. Botong kti yóm él bong yó anì wen lan le mifal du yó kem tau hol geta lemwót fi gu dmata kdaw.

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Isaya 14:25

Yó angat nmou, genlau yó kem tau Asirya bè dou benwu Israél. Angat gotu ndau lu elaan bè yó kem dou bulul. Angat kóhu bè yó kem dou tau yóm blat alì htihang le kul yó kem tau Asirya. Angat henwósu bélê le yó kem blat tendo gel hbô le kul.

Kem Lingón 114:5

Moen de, Mohin Hulô, ke hetlasiki mdó bè lan le? Moen de kóm du, Él Jurdan, ke teflok yóm klelem?

Kem Lingón 114:3

Tikóng ton Mohin Hulô lu, tódô hetlasik mdó bè lan le yóm mohin yó. Dalang se yóm Él Jurdan, tódô teflok yóm tbulen.

Isra 6:22

Tikóng deng kken le yó kem yó, bud hitu kdaw le mò du yóm Kehligal le Mken yóm Mambang Laen Dù Bulung Henoken. Ya tey kehligal le abay se deng tenles Dwata kehedem yóm tau hol geta bè Asirya boluyen Sirus, botong tnóbóngen lu bè yóm kehdà le du yóm Gónô Dwata yóm sana kul Dwata yó kem tau Israél.

2 Bok Kem Tau Hol Geta 2:14

Fes Ilaysa bè él yóm nes Ilaydya yó koni, hgelen udélen, monen, “Nô se Dwata du, yóm kun Dwata gónó mogot Ilaydya?” Tikóng deng kfesen yóm él, ominen tódô mesgólól se yóm él, ne tódô mifal etu fatu Ilaysa mlan lem yóm gónón mékéng tonok.

2 Bok Kem Tau Hol Geta 2:8

Omin Ilaydya mlus yóm nesen lafin tofi ta, ominen lemulun du ne fesen bè yóm Él Jurdan. Tódô mesgólól yóm él yó, ne mlan le lemen bè gónón mékéng tonok yóm lewu le.

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Isaya 19:16

Yó kem tau bè Idyip, angat kól yóm kdaw le lunog lómón klunog libun. Tódô setbol kkel le bè yóm tey klikò le bè yóm kegnóm le du, yóm deng kkuhay Dwata sigelen na a tmafak kul yóm Dwata laen dù là gbeken du.

Isaya 44:27

Ngem yó dém mohin bong, olo lemwót bè udélu gónón kti.