Sikaraya 10:10 - Udél Dwata: Gna Kesfasad ne Lomi Kesfasad

¹⁰ Huléku lu gu ditu bè Idyip ne gu ditu bè Asirya, nwitu lu mulék ebè yóm kul benwu bè Gilyad ne bè Libanun. Angat tey kwen le ta yóm kul tonok, botong là kóyówen bélê le.

Sikaraya 10:10 Referans Kwoze

Husiya 11:11

Tey kehlóng le mulék lemwót gu bè Idyip, lómón kehlóng yó kem onuk koyu móyóng. Bud le mulék se kul yó kem tau tehe nô bè Asirya lómón kehlóng le kóyóng obun. Ne bud nwitu lu mulék ebè yóm hol tahu kul benwu. Ou se yóm sana kul Dwata hol gónó mogot nim mudél ni.”

Sikaraya 8:7

Bud ni se udél yóm Dwata laen dù là gbeken du, monen, Tahu dohò se yóm angat kehewau kul yó kem dou tau deng negef le ebè yó kem benwu fi dmata kdaw ne ebè yó kem benwu fi desdef.

Ubadaya 1:20

Yó kem tau Israél deng negef, angat bud nulék le yóm sana kul benwu ne gfun le yóm benwu Funisya efet kól fi bwak bè yóm benwu Sarifat. Ne yó kem tau tehe lemwót bè Jirusalim deng negef le ebè yóm tólóng benwu fi bwak, angat le bud mulék ebè yóm kul benwu ne nô le bè yó kem benwu lemnek bè Négéb fi leged.

Jirimaya 22:6

Yó udél Dwata gbak ebè yóm gónô bong yóm tau hol geta bè Juda, monen, “Yóm ktilobem, hol lómón ktilob yóm tonok Gilyad ne lómón ktilob yó kem dlag bè yó kem bulul Libanun. Okóm angat genlau uu ne laen kô dù bud tauhem.

Isaya 60:22

Balù yóm fes lówó là wenen ne alì gdanà bè kdéen, angat wen kfasang le lómón yóm benwu alì mfasang. Ke sok sut yóm bang kdawu mò du, tódô kendel nmou nim ni. Ou se yóm Dwata hol gónó mogot.”

Sikaraya 8:8

Bud nwitu lu semfulék anì nô le bè ni bè Jirusalim. Lu se yó kem dou tau ne ou se kul Dwata. Là kóen na a monol yóm nawahu ebélê le ne angat hono tedeng yóm nmou bélê le.

Husiya 11:10

Angat wen kdawen ou se angat lolò yó kem tauhu. Bè yóm ktabahu kul, angate mngel lómón liyun ne gotu le mulék ebéléu yó kem tauhu mung du kkel le, lemwót le bè yóm benwu fi desdef.