Sikaraya 1:9 - Udél Dwata: Gna Kesfasad ne Lomi Kesfasad

⁹ Ominu smólók yóm hógów Dwata gel stulón do, “Ó Sér, tedu nmò le yó kem kmudà yó?” Bnalaen se o, monen, “Toloku kóm.”

Sikaraya 1:9 Referans Kwoze

Sikaraya 5:5

Ominen hloni ebéléu yóm hógów Dwata stulón do yó koni, monen, “Temngeli eta, hnénégem yóm gu ditu yóó.”

Sikaraya 2:3

Ominen tmagak dou yóm hógów Dwata gel stulón do, senlongen yóm sotu hógów Dwata mógów ebéléen

Sikaraya 1:19

Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”

Sikaraya 4:11

Ominu smólók yóm hógów Dwata gel stulón do, “Boluy hnigaden yóm lewu koyu ulib sbalà yóm gónó hemyón solok yóó?

Danyél 7:16

Yó nmou, hlonihe ebè yóm sotu mdà klohok yóm bangkù gónón myón kmamal, snólóku béléen lanen yóm kdê tonu yó. Tahu se, gotu tulónen do yóm hnigaden, monen,

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

Sikaraya 1:13

Timbow deng knihen, ominen mudél ebè yóm hógów Dwata gel stulón do, hono yóm udél mò temgel nawahen.

Sikaraya 4:1

Ominen bud semfulék ebéléu yóm hógów Dwata gel stulón do ne bentiken o, hol lómón ke denge tungô.