Sikaraya 1:8 - Udél Dwata: Gna Kesfasad ne Lomi Kesfasad

⁸ Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

Sikaraya 1:8 Referans Kwoze

Deng Hegfan 6:4

Ne tahu se, tódô tonu se yóm kudà hulô hsut. Ne wen kfasang blay le yóm tau smakay tahen mò na a mit sgida ebè klamangen benwu anì na le e stibó yó kem tau. Ne wen tey sudeng tahà blay le du.

Deng Hegfan 2:1

Bud monen mò do yóm mudél ebéléu yó koni, monen, “Ni smulati do ebè yóm fen gel malak yó kem tau hemtahu bè Ifisus, monem mò du, ni se udélen ebélê ye yóm mogot hitu blotik bè sigel kwananen, yóm gel mógów lem blóng yó kem hitu solok blówón sedà.”

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Isaya 55:13

Bè yóm tehe gónón tmowok yó kem koyu lemnek semnual laen dù muhen, angat tles tmowok bè yó yóm siprus ne mirtal, hono kem koyu wen muhen. Ni se mò ilô yóm kfasangu ne laen kô dù sónen yóm ilô yó. Bud ni se mò gónó ye hemtulón nawa du yóm deng nmou. Ou se yóm Dwata hol gónó mogot.” Là gomongen bè nili yóm tsaptér 56. Yó monen bè bérs 1-2, “Hol hentedeng ye kmò ye ne béen abay wen mtukul knihu ye,” mon Dwata. “Hol nmò ye yóm tedeng ne yóm hyu, yakà móyóne kól mò lemwà kuy. Tey kehyuhen bélê le kul yó kem tau nô bè nawa le yóm kmò le du nim ni. Tey kehyuhen bélê le kul yó kem tau gel madat du yó kem Kdaw Kehegnô ne yóm là kmò le nmò bè yó kem kdaw yó. Ne tey kehyuhen bélê le kul yó kem tau là gel le mò sidek.” Ni kem kehyuhen ni, là són bè kem tau Israél du gónón e gdek, okóm gomong snéen yó kem tau gel mimón yó kem kun hlau Dwata. Yó mon Dwata bè bérs 8, “Yóm Dwata hol dandónen geta, yóm mit semfulék yó kem tau deng kenbê kem dumu tau, gomong nwitu snéen yó kem dumu tau, là són yó kem dou tau du.”

Isaya 41:19

Ne bè yóm benwu tehe là hyu menwu du, angat wen kem koyu tmowok du, yó kem koyu sidar ne akasya ne mirtal ne ulib. Ne bè yóm tonok bà udì ke tehe wen tmowok du, angat henbalingu dlag. Htowoku bè yó, yó kem koyu boluyen meguu ne dyunipér ne siprus.

Danyél 7:13

Bè yóm kifu yó, bud wen tonu lómón ke ngà tau kmoen mung bè lobun gu bè longit. Mógów ebè yóm Tuha Laen Dù Buten, bede wen mit du ebè soluhen.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Isaya 57:15

Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.

Job 4:13

Yó kmoen, wen tonu bè yóm sotu kifu yóm igò le tungô yó kem dumu tau.

1 Bok Kem Tau Hol Geta 3:5

Bè yó bè Gibyun bè yóm kifu yó, hegfan bè Selumun Dwata, bede hlanen bè knahen, ne snólók Dwata, “Tedu de nóyóem? Mnihi béléu, ne blayu kóm?”

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Deng Hegfan 6:2

Tahu se. Wen kudà bukay tonu, ne wen tau smakay tahen kmulóng boho. Wen kuruna blay le du, ne ominen yó tódô lemwót mit sfatay bè yó kem hohonen, bede laen kô dù gmò le béléen.

Nihimaya 8:15

Duhen yó, gotu heglalag le yó kem hlolò Dwata kul yó bè klamang Jirusalim ne bè yó kem dumu benwu hmilol gónó le nô yó kem tau Israél, mon le, “Mógów ye elem bulul na ye e ma yó kem hanga koyu ulib dalang se yó kem hanga koyu ulib tódô tmowok lem bnes mò slung ye ne yó kem hanga koyu mirtol ne kem doun blulan ne hanga yó kem dumu koyu mobung doun le mò nmò ye slung, hol lómón yóm deng hlolò Dwata tekuy bè yóm hlauhen.”

Sikaraya 1:7

Timbow bè yóm gewuhen folò fat kdaw bè yóm gesfoloen sotu bulón bè yóm gewu halay kyón Daryus, bud wen udél Dwata ebè yóm tugoden Sikaraya ngà Birikaya témê Idu. Yó kmò ktulón Sikaraya du, monen,

Sikaraya 1:10

Tahu se, ominen mudél yóm tau smakay kudà hulô mdà lem blóng yó kem koyu mirtol, monen, “Lu se yó kem dók Dwata mò na a hmalak temngel yóm klamang benwu.”

Sikaraya 1:11

Ominen yó kem kmudà yó koni, mógów le ebè yóm hógów Dwata mdà lem blóng yó kem koyu mirtol, mon le mò du, “Deng hnalak me ne yóm klamang benwu ne tey menek yóm klamangen.”

Tekang Kbuten 46:2

Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.