Sikaraya 1:3 - Udél Dwata: Gna Kesfasad ne Lomi Kesfasad

³ Yó gónóm mon hol tulónem yó kem tau, monem mò kul, ‘Ni se udél yóm Dwata laen dù là gbeken du, monen, Semfulék ye ebéléu anì bude semfulék ebélê ye se do.’

Sikaraya 1:3 Referans Kwoze

Malakay 3:7

Tódô lenwóten bè yóm tehe kul kdaw yó kem tehe fù ye ekni yóm kkogol ye du yó kem dou hlau ne là kô lolò ye du. Semfulék ye ebéléu dé ne bude semfulék ebélê ye se dou,” udél yóm Dwata laen dù là gbeken du. Okóm mom yó snólók ye, “Tedu kmò bud kesfulék me ebéléem du igò me sem là hlayuk béléem?”

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Juwél 2:12

Ni se udél Dwata, monen, “Balù yó hem igoen tolo wen dù kdaw, hotu ye nawa ye semfulék ebéléu mung du yóm kfasting ye ne kkik ye ne klangag ye.

Jirimaya 4:1

Yó udélen ebélê ye yóm sana kuy Dwata hol gónó mogot, monen, “Semfulék ye ebéléu, kem tau Israél. Ke gotu bot ye lu yó kem dwata kéng lenbù nmò alì kenbéu ne ke là bud lolò ye kul

Jirimaya 12:15

Okóm kogolen bè yó bude semfulék ebélê le, bud knoduhu lu yóm kdê le. Bud nwitu lu semfulék ebè yóm hol kul benwu, ket tau nuléken yóm kun tonok.

Isaya 31:6

Yó udél Dwata, monen, “Yu kem tau Israél tey kegsalà ye béléu. Tey kekbê ye do. Okóm ni, yake mulék ye ebéléu ne.

Husiya 14:4

Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Jirimaya 35:15

Són moen wen kem tugodu hógówu elem blóng ye anì hol tebel ye yó kem sidek gel nmò ye ne tenflok ye tmaba ebè yó kem dwata kéng anì menek klowil ye ta yóm tonok blayu kuy dalang se bè yó kem tehe fù ye. Okóm là kô hnungol ye dou ne là se kô nimón ye do.

Jirimaya 25:5

Yó tendo mon Dwata mò kuy, ‘Knogol ye ne yóm sidek gel lolò ye ne yóm sidek gel nmò ye, anì yó gnô ye ta yóm tonok deng blayu kuy dalang se ebè yó kem tehe fù ye mò hlós nfun ye efet kól bè sónen.

Husiya 14:1

Ó kem tau Israél, géhél ye bud semfulék ebè yóm sana kuy Dwata hol gónó mogot, yakà deng ye gotu meglà lemwót bè yó kem salà ye.

Nihimaya 9:28

Timbow deng bud menek kbenwu le, mom bud nmò le yóm kenbéem bélê le ne yó gónóm bud hemlus kul elem hólól yó kem hohon le. Okóm bè yóm bud kehegsel le, tey kni le béléem anì lenwaem lu. Ne tahu se, gungolem dyó bè longit yóm kni le ne lemwót bè yóm tey kkoduhem kul, tey dê dulékem lemwà kul.

2 Tutul Israél 15:4

Okóm ke wen hlayam le, hnebel le Dwata yóm Dwata yó kem tau Israél, ne henmóyóen lu.

Isaya 44:22

Yóm kkóhu du bélê ye yó kem salà ye hol lómón ke muku lobun kmou du. Bud ye semfulék ebéléu dé, ou se yóm lemwà kuy.

Isikél 18:19

Okóm yóm gel snólók ye yóm mon ye, ‘Moen de kun yóm ngà logi yóó ke là megtafaken lemwót bè yó kem salà tehe gel nmò maen?’ Là gi. Yóm ngaen logi yó, lemwót bè yóm fen kmoen du yóm tedeng ne yóm kgulit tendo kloloen du yó kem dou hlolò kul, yó se lowilen.

2 Tutul Israél 15:2

Yó nmoen, senlongen Asa yóm tau hol geta, bè yóm kkólen gu bè gida, hgelen udélen monen mò du, “Hnungolem ou, ne yu kem sendalù Juda ne Bindyamin. Tendo nô bélê ye Dwata ke henek ye béléen. Ke hnebel ye, angat henmóyóen yu. Okóm ke tebel ye, angat tebelen yu se kun.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?

Isikél 18:32

Igò tey kekbéu du ke kendel ye matay. Knogol ye ne yóm kmò ye salà anì mowil ye,” udél yóm Dwata hol dandónen geta. Là gomongen bè nili yóm tsaptér 19 kól bè tsaptér 32. Yó tulónen bè ni kem tsaptér ni: Eles htugod Dwata ke Isikél yóm angat ktafaken yó kem tau hol geta bè Israél. Eles htugod Dwata ke Isikél yóm angat ktafaken yó kem tau Israél lemwót bè yóm là kimón le du. Eles htugod Dwata ke Isikél yóm angat khatay Dwata yó kem tau Israél, bede hmoen yóm tau hol geta bè Babilun. Eles htugod Dwata ke Isikél yóm ktafaken yó kem tau malak bè Israél dalang se yó kem tau nalak le, lemwót bè yóm tey kdê salà nmò le. Yóm kehlingón Dwata yóm syudad Samarya ne Jirusalim hol lómón ke libun setwoli, bede hono le hdóyón. Eles htulón Dwata ke Isikél yóm angat kmò ktafaken kul yó kem syudad yó. Eles hningón hmò Dwata ke Isikél yóm angat glumfak yó kem tau lem Jirusalim, yóm klaen dù bud lan le hewà. Hningón hmoen du bè yóm kuleng nô ta ofi hnok utón lemen. Eles htugod Dwata ke Isikél yóm angat ktafaken yó kem benwu hmilol Israél: Ktafaken yóm benwu Amon ne Muab ne Idom ne Flistya. Ktafaken yóm benwu Tayal ne Sidon. Ktafaken yóm benwu Idyip.