Sikaraya 1:18 - Udél Dwata: Gna Kesfasad ne Lomi Kesfasad

¹⁸ Ominu mkay ketngelu, tódô tonu yó kem fat hanga ógóf.

Sikaraya 1:18 Referans Kwoze

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Sikaraya 5:9

Ominu bud mkay ketngelu, tonu yóm lewu kem libun móyóng gu ditu, bede tey tahà yó kem hafak le mung le bè lenos. Nkay le yóm abì yó koni nwit le móyóng ete kmawang.

Sikaraya 5:5

Ominen hloni ebéléu yóm hógów Dwata stulón do yó koni, monen, “Temngeli eta, hnénégem yóm gu ditu yóó.”

Sikaraya 5:1

Bud nkayu bè yó ketngelu, tonu yóm klatas lenulun deng mból móyóng te kmawang.

Sikaraya 2:1

Timbow bud nkayu ketngelu, tódô tonu yóm tau mogot btes.

1 Bok Kem Tau Hol Geta 22:11

Yóm sotu bélê le boluyen Sidikaya ngà Kinaana, wen kem hanga bala tók nmoen, ne yó monen, “Ni se udél Dwata, Lemwót bè ni kem hanga ni gónóm tembek kul tu kem tau Aramiyan efet le gotu matay.”

Sikaraya 1:17

Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”

Sikaraya 1:19

Snólóku yóm hógów Dwata gel stulón do, “Boluyen se yó du?” Bnalaen se ou, monen, “Yó kem hanga yó, hnigad le yó kem benwu alì mfasang fen semkla yó kem tau bè benwu Juda ne bè benwu Israél ne bè Jirusalim.”

Sikaraya 6:1

Ominu bud mkay ketngelu, tonu yóm fat klitun tók dyol kudà hewà lem blóng yóm lewu kem bulul hono tembaga futì.