Sikaraya 1:17 - Udél Dwata: Gna Kesfasad ne Lomi Kesfasad

¹⁷ Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”

Sikaraya 1:17 Referans Kwoze

Sikaraya 2:12

Deng hetfing Dwata mò kun yóm benwu Juda glem bè kun tonok. Ne bud néléken Jirusalim mò hol kun syudad nfun.

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Ubadaya 1:20

Yó kem tau Israél deng negef, angat bud nulék le yóm sana kul benwu ne gfun le yóm benwu Funisya efet kól fi bwak bè yóm benwu Sarifat. Ne yó kem tau tehe lemwót bè Jirusalim deng negef le ebè yóm tólóng benwu fi bwak, angat le bud mulék ebè yóm kul benwu ne nô le bè yó kem benwu lemnek bè Négéb fi leged.

Isikél 36:33

Ni se udél yóm sana Dwata hol dandónen geta, yó monen, Ke deng gotu kóhu bélê ye yó kem salà ye, angat bud hnóu yu bè yó kem syudad ye ne angat bud hetlobu kuy yó kem deng gbà.

Isaya 54:8

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

Isaya 52:9

Ó Jirusalim, holi hligal mensag, balù yóm deng kegbaem. Angat lenwà Dwata yóm kun syudad ne henyuhen nawa yó kem tauhen.

Isaya 44:26

Okóm yóm dou tóbóng lówó, ke wen eles gel tulónen angat hdohou se yó. Ke wen tau hógówu mò tmulón yóm angat atulu, hol lemwót béléu se yóm tulónen yó ne angat hdohou. Ni udélu ebè yóm benwu Jirusalim, angat le bud mulék menwu bè yó, yó kem tauhen. Ne yó bud udélu ebè yó kem syudad bè benwu Juda, angat wen bud hmomi hemdà kul. Balù yóm deng tey kegbà le, botong bud baling lomi.

Kem Lingón 69:35

Angat lenwaen Jirusalim bè yó kem hohonen. Bud hefdaen yó kem dumu benwu bè prubinsya Juda. Ne gotu le bud nô bè yó, yó kem kun tau, nfun le yóm klamangen.

2 Tutul Israél 6:6

Okóm ni, deng néléku Jirusalim mò gónóhen nô yóm dou boluy, ne deng néléku Dabid mò kmamal yó kem dou tau Israél.’ Yó se deng fasad Dwata ke mà.”

Ifisus 1:4

Gu laan Dwata là deng dmimun du he yóm benwu, deng kem gegna ne yóm kéléken tekuy mò kun tau, hlanen bè yóm deng kessotu tekuy bè Krays. Yó gónón mélék tekuy anì henbalingen tekuy kem tau mólós, kem tau laen dù belenen bè ktonen tekuy.

Sikaraya 3:2

Ne yó udél yóm hógów Dwata yó ebè Seitan, monen, “Ou se Dwata mólów kóm, Seitan. Ou se deng mélék yóm syudad Jirusalim mò dou nfun. Yóm Jéswa kun, hol lómón ke ngà koyu dmilóf skot gu lem ofi.”

Amus 9:14

Yó kem dou tau deng tehe negef le mayuk, angat bud nwitu lu mulék ebè yóm kul tonok. Bud hdà le yó kem syudad le deng gbà ne bud le menwu du. Ne bud le mulu grép bè yó ne bud ginum le tifas le. Ne bud le mò hulu bè yó ne bud gken le yó kem bunguhen.

Jirimaya 33:13

Angat tey bud kwen le yó kem ógóf le bè yó kem benwu lem bulul ne bè yó kem benwu bè but henfek bè Juda ne bè Négéb ne bè yóm tonok Bindyamin ne bè yó kem benwu lemnek hmilol Jirusalim ne kdê yó kem benwu bè Juda, angat tey ógóf wen nô du. Ou se Dwata nim mudél ni.”

Jirimaya 31:13

Omin le yó gotu madal yó kem sawang libun, tey kligal le. Dalang se yó kem logi, kem ngà logi kólen bè kem tuha gotu le hligal se kul. Wen kligal blayu kul mò tles yóm klangag le ne wen klaan nawa blayu kul mò tles yóm keblat nawa le.

Isaya 49:13

Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”

Sikaraya 1:14

Ominen mudél ebéléu yóm hógów Dwata gel stulón do, monen “Ni se udél yóm Dwata laen dù là gbeken du, monen, ‘Yóm kbong nawahu yóm syudad Jirusalim dalang se yóm Bulul Sayun, laen kô dù semnged du.

Sikaraya 1:18

Ominu mkay ketngelu, tódô tonu yó kem fat hanga ógóf.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’