Sikaraya 1:16 - Udél Dwata: Gna Kesfasad ne Lomi Kesfasad

¹⁶ Yó gónóm mon, yó bud udél Dwata, monen, Denge bud mulék ebè Jirusalim lanu kmodu yó kem dou tau. Angat bud tenlob le yóm dou Gónô bè yó, dalang se yóm dou syudad, angat bud hdà le. Yóm Dwata laen dù là gbeken du nim mudél ni.’

Sikaraya 1:16 Referans Kwoze

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Sikaraya 4:9

“Kun tdok Sirubabél se tehe mbut mò du yóm mò hembegel yóm dou Gónô ne angat bud kun tdok snéen hemdeng du. Ke sok deng nim ni, bè yó gónó ye temngón du yóm hógów do ebélê ye, yóm Dwata laen dù là gbeken du.

Isikél 47:3

Yó nmò me yóm tau mit do yó, nool me yóm él bede wen btes nwiten. Yóm igò me mool bentesen yóm deng lan me efet kól bè limu latu mitru klayuk me. Yóm él bè yó, tek són bè sokil me.

Job 38:5

Tau du se tehe eles hlamang du yóm klamangen? Tau du se tehe bemtol btes gu talaken? Tngónem kô balaen ni kem snólóku béléem ni?

Hagay 1:14

Yó nmò Dwata, gotu gendufen kdéen tau anì mò le nmò bè Gónóen. Gendufen Sirubabél yóm gubérnor bè Juda ne Juswa yóm tau geta bè yó kem gel demsù ebè Dwata, dalang se yóm kdéen tau deng mulék gu bè Babilun. Tódô nbut le mò nmò bè yóm kun Gónô Dwata yóm Dwata laen dù là gbeken du, yóm Dwata hol kul gónó mogot.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.

Sikaraya 10:6

Yó kem tau Juda, angat ten-gelu lu, ne lenwau yó kem tau Israél. Lemwót bè yóm kkoduhu kul, bud hen-guléku klowil le, hol lómón ke tehe là kenbéu kul. Yakà ou du yóm sana kul Dwata hol gónó mogot, angat bnalau yó kem hni le.

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

Sikaraya 2:5

Yakà ou du yóm ofi beng hmilol yóm syudad Jirusalim ne bud ou yóm klóón tendo nô lemen. Dwata se mon du nim ni.’ ”

Sikaraya 2:6

Yó udél Dwata ebè yó kem kun tau deng negef, monen, “Géhél ye ne, tnagak ye yóm benwu fi bwak deng gónów e semkla kuy.