Sikaraya 1:15 - Udél Dwata: Gna Kesfasad ne Lomi Kesfasad

¹⁵ Okóm yó du kem tólóng benwu laen dù hemen le ne menek kbenwu le, tey kebutu kul. Yóm kebutu yó kem dou tau, olon udì. Okóm yó du kem tólóng benwu, tey gulé ktafak le kul.

Sikaraya 1:15 Referans Kwoze

Isaya 54:8

Tehe knogolu yu lemwót bè yóm kebutu kuy, okóm olon likót. Okóm ni, htonu kuy yóm klaen dù sónen yóm kbong nawahu kuy.” Yó se udél yóm Dwata lemwà kuy.

Sikaraya 1:11

Ominen yó kem kmudà yó koni, mógów le ebè yóm hógów Dwata mdà lem blóng yó kem koyu mirtol, mon le mò du, “Deng hnalak me ne yóm klamang benwu ne tey menek yóm klamangen.”

Sikaraya 1:2

Yó mon Dwata mò du, “Ou se yóm Dwata tehe alì lembut yó kem tehe fù ye.

Kem Lingón 69:26

Yó gónóhu mon du mò kóm yóm yó, abay se bè yóm ktafakem yó kem kóm tau, kulel se kul kmò sidek bélê le yó kem hohon le. Tey sidek kestulón le kul yó kem tau deng hendesem yó.

Amus 6:1

Hatay ye kuy, kem tau mahil klowilen bè Sayun. Hatay ye se kuy, kem tau bè Samarya. Ofo kuy ke menek kbenwu ye, okóm là. Hatay ye se kuy, kem tau gónó le gel galak yó kem tau Israél, yu kem tau gónó le gel mni tóbóng yó kem dumu tau Israél.

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Kem Lingón 123:4

Tey kehnê le kum yó kem tau bong kendengen le. Gel henskong le mi yó kem tau heklabak alì mdà kum elaan.

Sikaraya 6:8

Ominen hgel udélen ebéléu yóm hógów Dwata yó koni, monen, “Ngem, lemwót bè yó kem kudà mógów ebè yóm benwu fi bwak yóó gónón deng menek yóm dou Tulus.”

Jirimaya 30:16

Okóm bè yóm kdaw kwitu kuy semfulék yó, kdê yó kem tau gemlà kuy bud wen gemlà kul se kul. Kdê yó kem hohon ye bud wen se megef kul. Kdê yó kem tau muku kimu ye, bud wen se muku kimu bélê le. Kdê yó kem tau mundug kuy, bud wen se mundug kul.

Hbakuk 3:12

Tey sidek kebutem igoem hlalak bè klamangen. Lemwót bè alì sidek kebutem kul, gotu snóyówem yó kem benwu.

Sikaraya 14:12

Wen des mit hatay angat heglumfak Dwata ebè yó kem tau bè yó kem benwu mit sgida bè benwu Jirusalim. Yóm igò le tolo mowil, tódô gotu lemdak lówó le dalang se mata le ne dilak le.