Sikaraya 1:14 - Udél Dwata: Gna Kesfasad ne Lomi Kesfasad

¹⁴ Ominen mudél ebéléu yóm hógów Dwata gel stulón do, monen “Ni se udél yóm Dwata laen dù là gbeken du, monen, ‘Yóm kbong nawahu yóm syudad Jirusalim dalang se yóm Bulul Sayun, laen kô dù semnged du.

Sikaraya 1:14 Referans Kwoze

Juwél 2:18

Ne yó bud hendem Dwata yóm tonoken ne yóm bud kkoduhen yó kem tauhen.

Sikaraya 1:17

Yó bud heglalagem, monem, ‘Yó udél yóm Dwata laen dù là gbeken du, monen, Yó kem benwu lemnek bè Israél, angat tey bud kehyu klowil le yó kem tauhen. Dalang se yó kem tau bè Sayun, angat tey bud ketgelu kul, angat bud néléku Jirusalim mò dou.’ ”

Sikaraya 1:9

Ominu smólók yóm hógów Dwata gel stulón do, “Ó Sér, tedu nmò le yó kem kmudà yó?” Bnalaen se o, monen, “Toloku kóm.”

Isaya 40:6

Bud wen tmaba, yó utóm tum tabahen, monen, “Hol heglalagem dé.” Monu se, “Tedu de heglalagu?” Monen se, “Yó heglalagem, là kóen té yóm klowil tau, hol lómón ke bnes mahil le menes. Ne hol lómón ke bulók lem bnes, mahil le mifù.

Isaya 40:1

Yó udél yóm Dwata tekuy, monen, “Hol henyu ye nawa le yó kem dou tau, hol henyu ye nawa le.

Sikaraya 1:13

Timbow deng knihen, ominen mudél ebè yóm hógów Dwata gel stulón do, hono yóm udél mò temgel nawahen.

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Isaya 63:15

Ó Dwata, hol knudungem mi gu dyó bè yóm gónóhem nô bè longit. Tngón me yóm klaen dù belenem ne yóm tey kegetahem. Gónón nô se yóm alì kehedemem kum du? Ne yóm kfasangem, gónón nô de? Gónóhen nô se yóm kbong nawahem kum ne yóm kkoduhem kum? Hol béem tódô bayà mi sen.

Isaya 59:17

Bè yóm kehewaen kul yó, yó henged oniten, duhen yóm kukum tedeng nwiten. Yó henged sloung tóken, duhen yóm kfasangen lemwà kul. Yó henged nesen, duhen yóm hol óyóen tmóbóng kul ne yóm óyóen meles kul.

Isaya 42:13

Yóm Dwata, hol lómón yóm sendalù deng eles htigel, módód ebè gida. Ke ston bè kem hohonen, tódô hentéen lu ne mensag, hegfanen bélê le yóm tey kfasangen.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Sikaraya 4:1

Ominen bud semfulék ebéléu yóm hógów Dwata gel stulón do ne bentiken o, hol lómón ke denge tungô.

Isaya 37:32

Tolo wen he dù tau mowil bè yó kem tau nô bè Jirusalim yóm kmoen ni ne bè bulul Sayun. Yó se yóm deng olu Dwata kul yóm Dwata laen kô dù là gbeken du.

Isaya 40:2

Hol genduf ye lu yó kem tau bè Jirusalim. Tulón ye kul deng geblaen yó ne yóm keglayam le ne deng gotu hnifótu ne yó kem salà le. Yóm deng ktafaku kul, tódô geblà du ne bè kdê yó kem salà tehe gel nmò le.”

Isikél 36:5

Ni se udél yóm sana Dwata hol dandónen geta, yó monen, Tey sidek kebutu kul yó kem benwu hmilol kuy, hol néen yóm benwu Idom. Yóm kebutu kul, hol lómón ke ofi gotu kenen kdéen, abay se deng tódô hton le yóm là kadat le do bè yóm deng kled le yóm dou tonok ne tey kehligal le bè yóm kled le du.