Sikaraya 1:12 - Udél Dwata: Gna Kesfasad ne Lomi Kesfasad

¹² Bè yóm kungolen du yóm tulón le du yó, yó nmoen mni bè Dwata, monen, “Ó Dwata, yóm Dwata laen dù là gbeken du, deng hitu folò halayen ni ne yóm tendo kebutem du yóm syudad Jirusalim ne yóm benwu Juda. Kegenen de yóm alì kebutem ni efet bud knoduhem lu?”

Sikaraya 1:12 Referans Kwoze

Sikaraya 7:5

“Snólók ye yó kem dumu ye bè yó ne yó kem tau gel blóng ebéléu, mon ye mò kul, ‘Bè yóm hitu folò halay ye nô bè yóm benwu gónó le megef kuy, mò kmoen se yóm gel kfasting ye ne klangag ye bè yóm glimuhen bulón ne bud bè yóm ghituhen bulón, ou kô yóm gel hendem ye?

Danyél 9:2

bè yóm tanay halay kogoten yó, ou se Danyél hemnagì du yóm udél Dwata deng hsulaten yó kem tugoden. Wen tonu bè yóm kun snulat Jirimaya yóm sotu tau tugod yóm sana kum Dwata hol gónó mogot. Yó tonu hitu folò halayen deng kegenen gbà yóm benwu Jirusalim.

Jirimaya 29:10

“Bè ktahuhen, na ye na hitu folò halay he nô bè Babilun. Kogolen bè yó, bud nwitu yu semfulék ne nmou bélê ye yó kem hyu deng fasadu kuy.

Kem Lingón 102:13

Angati mdà nam e knodu Jirusalim, ne ni se yóm kdaw bang kmodu du, ni se yóm kdaw deng fasadem nam e któbóng du.

Kem Lingón 74:10

Kegenen de, Dwata, yóm tódô kbayaem kul hemnê kóm yó kem hohonem? Laen kô dù sónen ne kô yóm tódô kbayaem kul là madat du yóm kóm boluy?

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

Sikaraya 1:8

Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

2 Tutul Israél 36:21

Duhen yó, deng dohò yóm tehe udél htugod Dwata ke Jirimaya, yóm monen, “Botong hitu folò halay kegenen laen kô dù tauhen yóm benwu yó kem tau Israél lemwót bè yóm là klolò le du yóm hlolò Dwata kul bè yóm ket gehituhen halay là kmò le hulu.”

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Kem Lingón 69:5

Là kóen gebnos béléem, Dwata, yó kem salau. Tódô tngónem yóm tehe tey ungelu.

Kem Lingón 102:10

lemwót bè alì ksidek kebutem dou. Yakà deng nulutem dou, ominem bud mbot do.

Jirimaya 12:4

Lemwót bè yóm sidek gel nmò yó kem tau, deng gotu mékéng ni kem tonok me. Kegenen de duen yóm tey kékéngen ni, Dwata? Dalang se yó kem hulu me, deng le gotu menes. Ne yó kem ógóf lem bnes ne yó kem onuk koyu, deng le gotu matay lemwót bè yóm sidek gel nmò yó kem tau. Mom yó udél yó kem tau mò sidek, mon le, “Là kô ton Dwata du nim gel nmò tekuy ni.”

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Jirimaya 30:18

Okóm yó udél Dwata, monen, “Bè yóm kwitu kuy semfulék gu bè yóm benwu deng gónó le megef kuy yó naw e bud kehgulék klowil ye, bud hdau snéen yóm syudad Jirusalim bè yóm sana gónóhen seblà, balù yóm tey kegbaen. Dalang se yóm gónô bong yóm tau hol geta bélê ye, bud hdau hol mkél bè yóm gnan.

Danyél 12:6

Lemwót yóm sotu, snólóken yóm sotun lómón tô tau kmoen mnes bukay deng mdà te kmawang seblà ta yóm él, monen mò du, “Mò kegenen du ni kem tey sidek sut ni, ominen deng?”

Hbakuk 1:2

Ó Dwata yóm sana Dwata hol gónó mogot, deng hilu duléku ne tmaba ebéléem, okóm là kô hnungolem du. Yó monu mò kóm, “Tey kehsidek le kum,” okóm là kô lenwaem kum.

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.