Sikaraya 1:10 - Udél Dwata: Gna Kesfasad ne Lomi Kesfasad

¹⁰ Tahu se, ominen mudél yóm tau smakay kudà hulô mdà lem blóng yó kem koyu mirtol, monen, “Lu se yó kem dók Dwata mò na a hmalak temngel yóm klamang benwu.”

Sikaraya 1:10 Referans Kwoze

Sikaraya 1:11

Ominen yó kem kmudà yó koni, mógów le ebè yóm hógów Dwata mdà lem blóng yó kem koyu mirtol, mon le mò du, “Deng hnalak me ne yóm klamang benwu ne tey menek yóm klamangen.”

Hibru 1:14

Okóm kul yó kem gel hógówen, mò kmò le se kul du? Lu se yóm mtulus tóbóng lówó Dwata. Gel dóken lu mò fen tmóbóng yó kem tau angat gmuta du yóm klowil laen dù sónen.

Sikaraya 4:10

Hol bê ye abay senlón ke udì yóm ton ye mò buten, yakà hligal Dwata du bè yóm ktonen du yóm kbut kehdà ye du yóm kun Gónô, hligal bè yóm ktonen yóm tuntun nogot Sirubabél. Yóm hitu solok hnigaden yóm hitu mata Dwata, gotu tenngelen yóm klamangen.”

Sikaraya 1:8

Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

Job 1:7

Snólók Dwata Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Sikaraya 13:7

Yó bud udél yóm Dwata laen dù là gbeken du, monen, “Yó ne, sudeng, hnatayem yóm tau semgyok yó kem dou ubiha, yóm tau hol fi béléu. Hnatayem yóm tau semgyok ubiha anì gotu le sekla yóm kdê ubiha le. Ne fen ou tmafak yó kem hanà lemnek.

Sikaraya 5:7

Yóm abì yó, wen tey tinggà blat sefengen ne bè yóm ktukéhen du yóm hógów Dwata yó, tonu yóm libun myón lemen.