Sifanaya 3:17 - Udél Dwata: Gna Kesfasad ne Lomi Kesfasad

¹⁷ Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Sifanaya 3:17 Referans Kwoze

Kem Lingón 149:4

Abay se yóm Dwata, tey hligal bè yó kem tauhen. Wen ofol blayen yó kem tau hulung heglaan, duhen yóm kehewaen kul.

Kem Lingón 147:11

Okóm tey hligal bè yó kem tau wen klikò le du, yó kem tau gentud nawa le yóm là konol yóm kbong nawahen kul.

Jirimaya 32:41

Angat tey kligalu mò du bélê le yóm hyu ne hol lemwót lem but blututu yóm bud khuluhu kul ta nim tonok ni.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Dwata 30:9

Ke yó nmò ye, bè ket nmò ye sal hyu uléken ne angat tey kból ye, dalang se yó kem ógóf ye ne yó kem tonok ye, angat tey wen tebasen. Tey kehligal Dwata du bè yóm bud khuléken du ebélê ye yóm tehe kehyu klowil ye, lómón yóm tehe kligalen bè yóm kehyu klowil yó kem tehe fù ye ekni.

Sifanaya 3:15

Deng nmò Dwata sónen ne yóm ktafaken kuy ne gotu lohen yó kem hohon ye. Tódô nô bélê ye ne Dwata yóm hol geta bè Israél ne laen kô bang bud knikò ye ne.”

Kun Snulat Jan 15:11

Yó gónóhu eles tmulón du kuy nim ni,” mon Jisas, “anì gnóm ye yóm dou kligal, ne anì hol gsengel nawa ye du yóm kligal ye yó.

Isaya 65:19

Angat tey kligalu se dou lemwót bè Jirusalim ne yó kem tauhen. Laen dù bud nkik ye bè yó ne laen se dù bud gónó ye gel htóbóng bè kem dumu ye.

Lista 14:8

Ke hyu nawa Dwata ebélê tekuy angat nalaken tu etu ne blayen tekuy yóm tonok alì hyu, tonok alì mabù huluhen.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Kun Snulat Jan 13:1

Tek sendaw ne dù kehtohen yóm mò ken bè yóm Kdaw Khius. Tódô tngón Jisas yóm móyón ktebelen yóm benwu ni, ne bud mulék ebè Maen. Tey tendo gel kbong nawahen kul yó kem tau gel lemolò du, ne là kóen monol nawahen ebélê le efet kól bè yóm ktagaken kul.

Isaya 9:6

Yakà wen yóm ngà sut lem blóng tekuy, logi yóm ngà sut yó. Du se hol angat gónó tekuy kmulu. Ne yó angat taba tekuy du yóm alì hulung hmau, yóm Dwata laen dù là gbeken du, yóm Mà tekuy laen dù tul sónen, Ngà yóm Tau Hol Dandónen Geta mit kenek nawa.

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 1:31

Omin Dwata bud temngel du yóm kdê deng dlimunen yó, ne tey bong hyu ktonen kul. Timbow deng kmoen du yóm yó, ominen bud kifu ne bud mwas, tu se yóm gnemen kdaw.

Isaya 63:1

“Tau du se yóm tau kól gu bè syudad Busra bè benwu Idom? Tey alì tilob yóm nes hulô leseken. Tódô mógów hekteng, tódô dilóem béléen yóm tey kfasangen ne yóm tey kgisen. Tau du de tu?” Yóm mógów yó, duhen Dwata yóm hol gónó mogot. Tey wen kfasangen lemwà yó kem tauhen. Yó nógówen nan e tulón yóm deng kegmoen bè yó kem hohonen.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Tekang Kbuten 2:2

Bè yóm ghituhen kdaw là buden mò nmò Dwata, deng gotu deng ne kedlimunen du yóm kentihen.

Husiya 14:4

Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

Juwél 2:21

Ó tonok, béi abay bud hlikò ne. Holi hligal abay se tey bong hentaw yóm deng nmò Dwata.

Kem Lingón 78:65

Omin Dwata yó he hetngón, lómón ke tau lomi btik, hol lómón kmoen yóm tau lóbô deng btik bè klengelen.