Sifanaya 3:16 - Udél Dwata: Gna Kesfasad ne Lomi Kesfasad

¹⁶ Bè yóm kdaw yó, yó angat mon le ebè yó kem tau nô bè Jirusalim, “Bê ye abay bud hlikò, kem tau bè Sayun ne bê ye abay hlingay.

Sifanaya 3:16 Referans Kwoze

Hibru 12:12

Duhen yó, baluen ke là bud ye gel tô gbala, duhen ke mahil megdódól nawa ye, bê ye abay htakas sen, hol hgel ye nawa ye dé.

Glasya 6:9

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Deng Hegfan 2:3

Deng tonu snéen yóm khanay ye nawa, ne yóm tey kehbala ye du yóm gel keglayam ye lemwót bè yóm klolò ye do, ne yóm là ktakas ye lemolò do.

Ifisus 3:13

Duhen yó, hol bê ye mom kenblat nawa nim fen keglayamu bélê ye ni. Hono bè kuy kehyu se ni kem ni.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 40:9

Ó kem tau bè Jirusalim, mneged ye eta yó kem bulul, heglalag ye bè yó yóm tulón hyu. Yu kem tau bè Sayun, hol hgel ye dé yóm udél ye, heglalag ye yóm tulón hyu. Hol tulón ye, bê ye abay hlikò. Tulón ye bè tu kem benwu lemnek bè Juda, móyónen kól ne yóm Dwata le.

Kun Snulat Jan 12:12

Timbow hayahen bè yó, gungol yó kem tey tau wen deng eles mung bè yóm mò ken bong bè Kdaw Khius bè Jirusalim yóm kógów Jisas etu, gotu na le e senlong.

Sikaraya 8:15

Duhen ni, bê ye abay hlikò, deng hendemu ne yóm któbóngu yó kem tau bè Jirusalim ne yó kem tau bè Juda ne là kô bud tenlesu du hendemu.

Isaya 54:4

Hol béi abay bud hlikò, laen kô dù gónóm myak. Ne laen kô dù tau hemyak kóm. Tódô klifótem yóm tehe là kgulitem bè yóm hanà tolo klomihem tau. Ne bud klifótem snéen yóm alì sidek keblat nawahem bè yóm klibunem bolu.

Job 4:3

Bè gnan kdaw, deng dê dulékem gel temgel nawa yó kem tau wen gónón lebà nawa le anì smalig le bè Dwata ne gel ntudem yó kem tau wen gónó le lunog.

2 Kurin 4:1

Lemwót bè yóm tey kodu Dwata kum, yó gónón smigang du ta me yóm hmoen kum ni, ne yó gónó me là tmakas mò du.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Juwél 2:21

Ó tonok, béi abay bud hlikò ne. Holi hligal abay se tey bong hentaw yóm deng nmò Dwata.

Sikaraya 8:13

Ó kem tau bè Juda ne kem tau bè Israél, bè kton le kuy yó kem tau bè tólóng benwu, yu se yó kem tau deng henmulà Dwata. Okóm ni, là ne. Lenwau yu ne hlanu bélê ye yóm któbóngu yó kem dumu tau. Yó gónóm mon, bê ye abay hlikò, hol hgel ye nawa ye, henlel ye mò du yóm dou Gónô.