Sifanaya 3:15 - Udél Dwata: Gna Kesfasad ne Lomi Kesfasad

¹⁵ Deng nmò Dwata sónen ne yóm ktafaken kuy ne gotu lohen yó kem hohon ye. Tódô nô bélê ye ne Dwata yóm hol geta bè Israél ne laen kô bang bud knikò ye ne.”

Sifanaya 3:15 Referans Kwoze

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Amus 9:15

Yó kem dou tau, lómón ke bud huluhu lu ta yóm tonok deng tehe blayu kul ne là kô wen bud kemdut kul bè yó. Ou se yóm sana kuy Dwata hol gónó mogot mon du nim ni.”

Kun Snulat Jan 1:49

Mon Natanyél se, “Tahu, Sér, uu se yóm Ngà Dwata. Uu se yóm tau hol geta bè yó kem tau Israél.”

Sikaraya 14:11

Ne bè Jirusalim angat gónó le henek nô yó kem tey tau wen ne laen kô dù bud gemlà kul ne.

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Isaya 60:18

Là bud gungolem du ne, Jirusalim, uni tau sgida. Laen dù bud gembà kóm ne. Lómón ke ou yóm beng hilolem, tendo bnenteyu u ne tendo nofinu u. Angat tey kdóyónem dou lemwót bè yóm kehewau kóm gu lem tdok yó kem hohonem.

Isaya 33:22

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Kem Lingón 85:3

Là bud lenbutem kul ne. Laen dù sfuhen yóm tey sidek kebutem.

Deng Hegfan 12:10

Ne tódô gungolu se yóm tey mudél gu bè longit, monen, “Deng duhen ni se kehtohen yóm kdaw kehewà Dwata yó kem kun tau. Deng hegfan Dwata ne yóm kun kfasang mogot yóm klamangen. Deng gfan snéen yóm kun kwalis yóm kun Misaya, yóm deng tehe néléken. Yakà deng tudà le ke Seitan etlaan. Du se tendo tehe gel dmelem bè solu Dwata yó kem tau hemtahu. Tódô seflós kdaw ne kifu tendo gel kdelemen kul.

Deng Hegfan 7:15

Yó se gónó le mdà bè solu Dwata, ne tódô senflós le mò du bè kun Gónô Dwata yóm gel hmoen kul kemdaw ne kifu. Du se yóm fen gel kemlung kul lemwót bè yóm knóen lem blóng le.

Kun Snulat Jan 19:19

Wen snulat Paylét dket le senta kulu Jisas bè yóm kros. Yó snulaten, monen, “Jisas lemwót bè Nasarit, Tau Hol Geta bè yó kem Ju.”

Kun Snulat Jan 12:15

“Bê ye hlikò, kem tau bè Sayun. Ngem yó dém tau hol geta bélê ye. Deng sut, ne smakay ngà nati asnu.”

Sikaraya 9:9

Yó bud udél Dwata, monen, “Ó kem tau bè Sayun, hol ye hligal dé. Hol ye hligal mensag dé, kem tau bè Jirusalim. Ngem, sut lem blóng ye yóm tau hol geta bélê ye. Tey tedeng kmoen ne gel gemmò bè yó kem hohonen, lelen hulung heglaan, tódô smakay kudà asnu, snakayen yóm ngà natihen.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Hbakuk 2:17

Deng gotu nofok ye yó kem koyu dlag bè Libanun. Ne ni, bud yu tles nofok le. Ne yóm tehe gotu keglà ye yó kem ógóf lem bnes ne ni bud lu tles hmikò kuy. Ni se gfà ye lemwót bè yóm tey dê tau hnatay ye ne tey dê benwu genlà ye gomong yó kem syudaden ne yó kem tau nô lemen.

Mika 7:10

Ominen yó kem hohonu, angat ton le snéen kul yóm tey kfi Dwata do. Ne tey sidek kyak le bè yóm tehe gel udél le ebéléu, yóm gel kmon le du, “Nô se yóm Dwata gónóm mogot?” Tódô hol dou mata se angat mton du yóm kdà le kul elaan hol lómón hitok bè lan. Là gomongen bè nili yóm bérs 11 kól bè bérs 17. Yó tulónen bè ni kem bérs ni, kogol yóm ktafak Dwata kul yó kem kun tau, angat bud hen-guléken klowil le dalang se yóm benwu le bud hetloben. Lemwót bè yóm bud kulék le ebè Dwata yó kem kun tau, ya tey bud któtól le bè klamangen benwu. Okóm yó kem hohon le, tey ktafak Dwata kul. Okóm lemwót bè yóm kton le du yóm deng nmò Dwata bè yó kem tauhen, ya tey klikò le se kul, botong le kenkel bè yóm kadat le ke Dwata.

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Isaya 65:19

Angat tey kligalu se dou lemwót bè Jirusalim ne yó kem tauhen. Laen dù bud nkik ye bè yó ne laen se dù bud gónó ye gel htóbóng bè kem dumu ye.

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Isaya 25:8

Ne nmoen sónen yóm hatay yóm Dwata hol dandónen geta. Tódô gotu nifuhen lewok bè mata yóm kdê le ne gotu kóhen bè yó kem tauhen bè klamangen benwu yóm gónó le gel myak. Yó se hol kun udél yóm Dwata hol gónó mogot.

Tekang Kbuten 30:23

Mlutut Rakél ne mngà logi. Yó udélen, monen, “Laen dù bud gónóhu myak ne ni. Deng wen ngà logi blay Dwata dou.”

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Hbakuk 2:8

Deng tey dê benwu nuku ye kimuhen. Okóm ni, yó kem tau dù mowil bè yó kem benwu yó, gotu bud nuku le yu se kuy lemwót bè yóm deng kbonok ye ne lemwót bè yóm deng keglà ye yó kem tau bè ket benwu ne deng gotu genbà ye yó kem syudad le snéen.

Isaya 35:10

Angat tey kligal le bè yóm kgefet le bè yóm benwu yó, tey kesngal le ne kehsag le lemwót bè kligal le. Ne laen kô dù sónen yóm kligal le yó. Là bud wen lenangag le ne laen dù bud kenblat nawa le.

Kun Snulat Jan 5:30

Ne bud mon Jisas mò kul, “Ke tek són ou, laen kô gmou. Bè yóm angat kkukumu tau, tódô nmou yóm deng gungolu gu bè Mà, yó se gónón tedeng yóm kkukumu. Là kô tódô nmou du yóm dou kóyô, són olo nmou yóm kun kóyô yóm hógów do.

Deng Hegfan 18:20

Okóm kuy du, yóm kdê ye gel nô bè longit, hol ye hligal lemwót bè yóm deng keglaen. Hligal ye ne, yu kem tau Dwata, ne yu kem tehe gel hógów Jisas, ne yu kem tehe gel tugod Dwata, abay se deng tnafak Dwata ne lemwót bè yóm tehe sidek nmoen bélê ye.

Kem Lingón 19:9

Tey hyu ke wen klikò tekuy ke Dwata. Laen kô dù sónen yóm kehyuhen. Tey tedeng yóm kukum Dwata. Laen kô mtukul nfihen.

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

Isaya 52:9

Ó Jirusalim, holi hligal mensag, balù yóm deng kegbaem. Angat lenwà Dwata yóm kun syudad ne henyuhen nawa yó kem tauhen.

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”

Isikél 36:15

Là bud hlusu kul ne yó kem tólóng benwu ke bud hennê le yu ne ke bud henyak le yu. Là bud genlaem kul ne yó kem tauhem, udél yóm sana Dwata hol dandónen geta.”