Sifanaya 3:13 - Udél Dwata: Gna Kesfasad ne Lomi Kesfasad

¹³ Yó kem dù tau Israél tebel yó, là kô le mò sidek bè kem dumu le, là kô le mò kéng ne là kô le smukat. Tey menek klowil le ne menek ktungô le ne laen kô dù bud tau hmikò kul.”

Sifanaya 3:13 Referans Kwoze

Deng Hegfan 14:5

Laen kô kéng le ni kem tau ni, ne laen se kô bang gónó le gemsanil kul yó kem dumu tau.

Sifanaya 2:7

Bè yó angat gónó le hótób ógóf le yó kem dù tau mowil bè Juda. Ke sok kifu gel le tungô bè yó kem gónô gtebel laen dù tauhen bè Askilun. Abay se yóm sana kul Dwata hol gónó mogot, là kô nan e klifót kul ne bud hen-guléken klowil le.”

Mika 4:7

Yó kem tau tugô tehe negef le yó, angat nmou lu kem tau dù tebel. Angat tey kehbólu kul, lelu bud hbegel kbenwu le. Ominen ou yóm angat mogot kul bè Bulul Sayun ne laen kô dù tul sónen yóm kogotu kul.”

Isaya 60:21

Tódô kdê yó kem tauhem, Jirusalim, angat gotu nmò le yóm tedeng. Laen kô dù tul sónen yóm angat kfun le yóm tonok deng blayu kul. Hol lómón ke huluhu lu yó kem tau deng nmou mò gónón gfan yóm kegetahu bè kdéen.

Mika 4:4

Tódô sotu kun htinof bè yóm kun gónó hmulu grép ne kun gónó mulu koyu fig ne laen kô dù bud knikò le. Ni se deng fasad yóm sana Dwata laen dù là gbeken du.

Kun Snulat Jan 1:47

Timbow ton Jisas Natanyél mógów ebéléen, wen tulónen gbak ebéléen, yó monen, “Ni sii yóm hol tahu tau Israél abay se laen kô dù kéngen.”

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Jirimaya 30:10

Ó kem dou tau, hol bê ye abay hlikò. Kem tau Israél, hol bê ye abay htafa nawa ye. Yakà bud nitu kuy semfulék ebè benwu ye gu bè yó kem tey benwu mayuk. Yó kem ngà ye, tebel le ne yóm benwu gónó le e megef kul. Angat le semfulék yó kem tau Israél ne angat menek kbenwu le ne laen kô dù bud knikò le.

Jirimaya 23:4

Angat wen kem tau snaligu mò malak kul. Laen kô dù bud knikò le ne yó kem dou tau ne laen se dù lana bélê le balù sotu,” mon Dwata.

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Deng Hegfan 21:27

Okóm là kóen gusek bè yó yóm là mólósen, duhen yóm tau gel mò yóm gónón hemyak knô, ne yóm tau gel mò kéng. Són olo gusek, són yó kem tau deng gsulat boluy le bè yóm bok lowil, duhen yóm kun bok yóm Ngà Ubiha.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

1 Jan 5:18

Deng tngón tekuy se ke deng baling ngà Dwata yóm tau, là kô senflósen du mò salà, abay se yóm Ngà Dwata fen tendo kemlung du, ne laen dù bud gmò Seitan béléen.

1 Pitér 3:14

Okóm baluen se ke wen hemsidek kuy lemwót bè yóm hyu gel nmò ye, wen kligal ye du myó. Bê ye hlikò, ne bê ye htafa nawa ye.

Kulasi 3:9

Bê tekuy abay gel mò kéng, yakà deng kó tekuy tum tehe gna klowil mahil mò sidek.

Matyu 13:41

Angat dók yóm Ngà Tau yó kem hógówen gu bè longit anì gotu kó le yó kem kdéen tau gel mit kem dumu le mò sidek, dalang se yó kem dumu tau gel mò sidek, gotu kó le lu.

Juwél 3:21

Angat gotu bnelesu yó kem dou tau deng hnatay yó kem hohon le. Là gbeku du ke là hnatayu kul yó kem tau tehe mò du bélê le. Ou se Dwata, angat nô bè Jirusalim lem blóng yó kem dou tau.”

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul

Isaya 35:8

Bè yóm benwu yó, angat wen tey lan lamang gu lemen. Yó boluyen, “Lan Mólós.” Laen dù tau mò sidek ke gemlan bè yó. Laen dù tau nungel mit hetlas yó kem dumuhen bè yóm lan yó.

Isaya 6:13

Baluen ke olon sotu dù tebel bè yóm sfolò kem tauhen, kaem senged snéen angat bud keglà le du yó kem hohon le. Hol lómón ke du yóm tuhod koyu tehe nofok le.” Bede yóm tuhoden yó sal wen uléken, hningónen yóm bud kehgulék Dwata kul yó kem kun tau.

Kem Lingón 119:3

Laen dù sidek nmò le. Són lolò le yóm kun klan Dwata.

Kem Lingón 23:2

Yóm kesegyoken dou, hol lómón ke yóm tau tilob kesegyoken yó kem ógófen. Sal gel hótóben lu bè yóm gónóhen mabù bnes efet le tódô tmakas, ne tódô le kem hlilil hegnô. Sal gel nalaken lu ebè yóm él tikaw mò gónóhen hinum kul. Hol lómón yó se kesegyok Dwata dou.

Kem Lingón 120:2

Yó tabahu, “Lenwaem ou, Dwata, bè yó kem tau gel mò kéng, ne bè yó kem tau gel smukat.”

Kem Lingón 120:3

Yu kem tau gel mò kéng, tedu se angat nmò Dwata bélê ye? Tedu se kmò angat ktafaken kuy?

Sifanaya 3:5

Okóm yóm Dwata, sana knóen bè yó lem syudad le, laen kô dù sidek nmoen. Tódô ket kdawen mò du yóm tedeng bè yó kem kun tau, okóm là kô dilô le du. Laen kô gónó le myak yó kem tau gel mò sidek.”

Sikaraya 8:3

Ne ni bud udél Dwata, monen, Angate semfulék ebè Bulul Sayun, angate nô bè Jirusalim. Ominen yó angat taba le yóm Jirusalim, Syudad Teneb. Ne yó angat taba le yóm kun bulul yóm Dwata laen dù là gbeken du, Bulul Dwata.

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

2 Tutul Israél 20:30

Duhen yó, tey menek yóm benwu nogot Jihusafat, abay se yóm kun Dwata fen henek yó kem benwu hmilol du.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.