Sifanaya 3:10 - Udél Dwata: Gna Kesfasad ne Lomi Kesfasad

¹⁰ Angat le mit basa ebéléu yó kem dou tau deng tehe sekla etu sentu yó kem él nô lem yóm benwu Ityupya.

Sifanaya 3:10 Referans Kwoze

Kem Lingón 68:31

Yó kem tau bè Idyip, hyu ke mit le kem tembaga alì mebtes mò basa le kóm. Yó kem tau Ityupya, hyu ke hol le heglaan béléem.

1 Pitér 1:1

Ou Pitér gónón lemwót nim sulat ni. Ou sotu bè yó kem gel hógów Jisas Krays. Smulate ebélê ye yu kem tau deng nélék Dwata deng gotu mlóy sekla ebè yó kem prubinsya boluy le Pontus ne Glasya ne Kapadusya ne bè Asya ne bè Bitinya.

Sulat Pol Ebè Yó Kem Tau Hemtahu Bè Rom 15:16

Yó hmoen do, henbalingen ou tau mò hógów Jisas Krays ebè kem tau là Ju le. Bè yóm kwitu du ebélê le yóm Tulón Hyu lemwót gu bè Dwata, lómón ke ou yóm tau gel demsù ebè Dwata. Yó henged dsù blayu du, duhen yó kem tau là Ju le deng hemtahu bè Jisas. Ne henmóyô Dwata snéen yóm dsuu yó, abay se deng nfunen lu yóm Tulus Dwata.

Kul Nmò 24:17

Deng tey hilu halayu ne là bud gemdà bè Jirusalim,” mon Pol. “Bè yóm lomi kógówu naw e eted yóm filak mò blay bè yó kem tau élél bè yó, ne wen tô hedsuu ebè Dwata.

Kul Nmò 8:27

Tahu se, tódô lemwót Filip. Bè yóm kógówen, tódô gtodolen yóm sotu tau lemwót bè tólóng benwu boluyen Ityupya, kól mulék gu bè Jirusalim lanen na a mung tmaba Dwata bè yó. Nim tau ni, bong glalen bè yóm libun boi mogot benwu le. Yó glal nogoten, du fen gel mogot filak bè yóm kul benwu. Yóm igoen myón te klisahen, wen senfalahen bè yóm bok tehe snulat yóm sotu tugod Dwata boluyen Isaya.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Kun Snulat Jan 7:35

Ne stulón le són lu yó kem tau wen glalen bè yó kem Ju, mon le, “Tedu gónón e tô solu tau ni du ke là bud tô ton tekuy du? Déke mógów elem blóng tu kem dumu tekuy Ju sekla menwu lem blóng tu kem Grik. Déke mom tmolok bè tu kem Grik.