Sifanaya 2:15 - Udél Dwata: Gna Kesfasad ne Lomi Kesfasad

¹⁵ Yó se angat glumfak syudad Ninibi, yóm syudad alì heklabak mon du, “Bè kdéen syudad talak tonok, laen kô dù mkél dou bè yóm alì kfasangu.” Okóm ni, nam tenngel yóm tey ksidek kegbaen, baling benwu gónó le nô yó kem ógóf lem bnes. Kihu tau mlan bè yó gotu kemyà du ne tódô le gotu hising.

Sifanaya 2:15 Referans Kwoze

Nahum 3:19

Là gbek bulung du yóm haliem, yó se angat hatayem. Tey kligal le yó kem tau mungol du yóm gfaem. Gotu le mensag abay se laen dù tau bè klamangen benwu ke là deng gnóm le du yóm tey sidek kmò ye ebélê le.

Jirimaya 19:8

Angat tey sidek kegbau du yóm syudad Jirusalim. Lemwót bè yóm alì kegbaen, ya tey sidek ketnga yó kem tau mlan bè yó ne tey khisik le du.

Matyu 27:39

Yó kem tau gel mius bè yó, sónmò le kmotuk, ne sendekà le Jisas, tey dê udél le sidek ebéléen,

Isaya 32:9

Yu kem libun mahil klowilen, laen dù gel tnafa nawa ye se kuy, hol hnungol ye yóm tulónu kuy ni.

Isaya 32:11

Efet ni, tey mahil klowil ye ne laen dù tnafa nawa ye. Okóm angat sut bélê ye yóm ksidek klikò ye botong ye kenkel. Kó ye yó kem nes tilob lesek ye, tódô ye lemsek nes sakù.

Isaya 32:14

Balù yóm gónô bong yóm tau hol geta bélê ye, angat gotu tódô sentagak le. Yóm yê yó kem syudad ye, laen kô dù bud tauhen. Yó kem gónô bè yó ne yó kem gónô gónó le gel mentey yó kem sendalù ye, angat gotu gbà. Són yó kem kudà tabag ne yó kem ubiha bliwel mótób bè yó.

Jirimaya 18:16

Yó gónóm mon, angat baling benwu laen dù tauhen nim benwu le ni, deng mom benwu kenhisik yó kem dumu tau. Tódô kdê yó kem tau angat mlan du, tey sidek ketnga le bè yóm tey kegbaen. Botong le hising bè yóm tey ketnga le.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”

Hbakuk 1:7

Deng le tey tótól bè alì kmò le sidek. Laen kô dù udin lolò le, tódô nmò le balù kihu nóyô nmò le ne laen kô dù gembek hemseng kul.