Sifanaya 2:14 - Udél Dwata: Gna Kesfasad ne Lomi Kesfasad

¹⁴ Angat baling benwu gónó le nô yó kem ubiha ne kem safì ne kdéen kay ógóf lem bnes. Bè yó kem gónô deng gbà, angat gónó le lemóón yó kem kol ne tódô gungolem udél le gu tembó beng. Yóm koyu sidar alì tilob mò beng le, tódô hnas.

Sifanaya 2:14 Referans Kwoze

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Jirimaya 22:14

Megtafak bè yóm kmonen du, ‘Angate hemdà gónô bong, hwenu kem dfélen ne kem tembó bengen, nbengu koyu sidar tilob boohen, ominu bemtulà du yóm btulà móntóng hulô.’

Deng Hegfan 18:2

Hgelen udélen, monen, “Deng gbà ne. Deng gbà ne yóm tey syudad Babilun. Deng baling gónó le gel nô yó kem kdéen klasi busaw alì sidek. Ne bè yó gónó le nô snéen yó kem onuk koyu là mólósen.

Isaya 14:23

Henbalingu benwu hono hitok yóm benwu Babilun. Són kol angat nô bè yó. Lómón ke nkélu yóm benwu yó ne laen dù tagak du. Ou se Dwata mon du yóm ni yóm Dwata laen dù là gbeken du.”

Sifanaya 2:6

Yóm benwu ye bè kilil mohin, angat baling gónó le mótób kem ubiha ne mò gónó le nô yó kem tau gel semgyok kul ne mò gónó le hemsù kul ke kifu.

Kem Lingón 102:6

Mkéle bè kang bè yóm benwu laen hol wen tauhen, duhen ke bè yóm kang tek sótuhen nô bè yóm benwu laen hol wen tauhen.