Sifanaya 2:13 - Udél Dwata: Gna Kesfasad ne Lomi Kesfasad

¹³ Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

Sifanaya 2:13 Referans Kwoze

Nahum 3:7

Kdéen tau mton kóm, botong le hegsud, mon le, ‘Tey sidek kegbaen yóm Ninibi, laen dù tau kmamà du, ne laen se kô dù hemyu nawahen.’ ”

Nahum 1:1

Ni se yóm udél Dwata gbak bè yóm benwu Ninibi, htonen ke Nahum yóm tau menwu bè Élkus.

Isaya 10:16

Yó angat nmò yóm Dwata laen dù là gbeken du, angat wen des hwiten ebè yó kem tau mabù tilob kken le mò tmafak kul. Hol lómón ke wen ofi senflós mken lem lówó le.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Nahum 3:15

Okóm là dengen sóól he yóm nmoem yó deng sana kenen uu ofi, duhen ke matayi bè sudeng. Angat hnatay le u yó kem hohonem. Yóm kmò le kuy, hol le skél bè kem tlangas, gotu hensidek le nô kihu ton le. Laen dù gmoem se kóm baluen ke lómón kwen ye tlangas.

Mika 5:6

Angat knamal le yóm benwu Asirya yóm tehe kun benwu Nimrod, mlan bè sudeng le. Ne lenwà le tekuy lem tdok yó kem tau Asirya ke sok bud tô nwa le yóm benwu tekuy.

Isaya 10:5

Yó udél Dwata, monen, “Yó kmou yó kem tau Asirya, hol lómón ke bogul kulóngu mò bogulu yó kem dou tau Israél lenbutu.

Isaya 14:26

Ni se yóm deng atulu bè klamangen benwu. Deng eles tayalu eta sigelu mò tmafak yó kem benwu hmohon do.”

Isaya 37:37

Yó gónóm mon, là dogen gehlós yóm nmò yóm tau hol geta bè Asirya yó, tódô semfulék ebè Ninibi ebè yóm kun syudad.

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Juna 3:2

yó monen mò du, “Yó ne Juna, hlósi ebè Ninibi ebè yóm tey syudad bong, nam e tulón yó kem tau bè yó yóm htugodu kóm.”

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.