Sifanaya 2:11 - Udél Dwata: Gna Kesfasad ne Lomi Kesfasad

¹¹ Angat tey sidek kehlikò Dwata kul lemwót bè yóm sulék kegbaen yóm kdê dwata lennged le. Bè yóm kton le du yó kem tau bè klamangen benwu nim ni, angat són ebè Dwata gónó le e tmaba ne tódô ket kul ne sotu tmaba ebéléen bè yóm kul benwu.

Sifanaya 2:11 Referans Kwoze

Sikaraya 13:2

Ne bud bè yóm kdaw yó, angat gotu hlanahu bè benwu Israél yóm kdéen dwata kéng gel tnaba le, anì laen dù bud hemtulón nawa kul balù boluy le. Gotu kóhu snéen yóm kdéen tmugod bè dwata kéng ne yó kem tulus sidek gel lolò le.

Malakay 1:11

“Okóm yó kem tólóng tau bè dumu benwu, tódô lenwóten bè yó kem benwu fi dmata kdaw kól bè yó kem benwu fi desdef, tey kadat le du yóm dou boluy. Tódô keten benwu wen gel hboo le ebéléu yóm alì tilob boohen ne dsù le ebéléu yóm dsù alì knóón béléu,” udél yóm Dwata laen dù là gbeken du.

Sikaraya 2:11

Bè yóm kdaw kkólu, angat tey dê tólóng tau lemwót bè dumu benwu mung do ne baling le mò dou tau. Nóe lem blóng ye ne bè yó gónó ye temngón du yóm khógówen do yóm Dwata laen dù là gbeken du.

Husiya 2:17

Là bud htóngu du bè sumóng ye ne yó kem kun boluy Baal ne là se bud bnoluy ye kul ne.

Kem Lingón 138:4

Kdê yó kem tau hol geta bè klamang benwu, angat tey kdóyón le kóm, Dwata, abay se kdê le angat mungol du yóm kóm udél.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Sikaraya 8:20

Yó bud udél yóm Dwata laen dù là gbeken du, monen, Angat tey wen dumu tau mógów ebè Jirusalim lemwót bè tólóng benwu ne lemwót bè tólóng syudad.

Sifanaya 3:9

“Bè yóm kdaw yó, tenlesu yóm ksumóng tau anì baling mólós ne anì tódô kdê le tmaba bè yóm dou boluy ne ssotu nawa le lemolò dou.

Sifanaya 1:4

“Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Isaya 49:1

Yu kem tau nô bè benwu mayuk, ni hol hnungol ye ou. Deng eles nélék Dwata ou gu laanu là deng sut. Yó hmoen dou mò tóbóng lówóhen.

Isaya 42:10

Semngal tekuy ebè Dwata dé yóm sngal lomi. Kdéen tau bè klamangen benwu, hol sngal tekuy yóm gónón megdóyón. Yu kem tau gel mit kafal, hol dóyón ye Dwata. Dalang se yó kem mowil lem mohin, gbót dóyón ye Dwata. Ne yó kem benwu mayuk, hol ye semngal ne kdéen tau menwu bélê ye.

Isaya 42:4

Laen kô tul kkóhen béléen yóm kgel nawahen. Angat tódô lenngeben klamang benwu yóm kukum tedeng nwiten. Balù yó kem benwu mayuk tey kangat le du yóm ktoloken.”

Kem Lingón 86:9

Kdéen tau bè yó kem benwu deng nmoem, angat le gotu mógów ebéléem, ne heglaan le bè soluhem, Dwata. Angat dóyón le yóm kegetahen ne yóm klaen dù belen yóm kóm boluy.

Kem Lingón 72:17

Yake laen dù kmifót du boluy yóm tau hol geta bélê me, ne anì laen dù tul sónen yóm któtólen, lómón yóm klaen dù tul són yóm nóng kdaw. Yóm kdéen dumu benwu, yake gotu le mni bè Dwata anì tnóbóngen lu, lómón yóm gel któbóngen yóm tau hol geta bélê me.

Dwata 32:38

Deng gel henken ye lu abù yó kem dsù ye ne deng gel benlay ye lu tifas grép mò ninum le. Hógów ye lu edini kun anì tnóbóng le yu. Henslò ye lu dé anì géhél lenwà le yu.

Jirimaya 10:11

Hol tulón ye bè yó kem tau gel tmaba ebè dwata lennged le, mon ye mò kul, “Yó kem kuy dwata kéng yó, là dlimun le du se kul yóm longit ne tonok. Angat le gotu lana yó kem dwata kéng yó, là kô bud tonem kul te tonok ne.”

Malakay 1:14

“Yóm sotu tau, ke deng hol fasaden dou yóm keblayen du do yóm hol hyu bè yó kem ógófen, okóm mom yó blayen do yóm ógóf wen óngóhen, yóm tau mò kéng yó deng hol tahu golu elem hatay. Kiholen mò du béléu yóm yó, igoen ou se yóm hol geta bè kdéen ne gotu le likò dou yó kem tólóng tau bè dumu benwu,” udél yóm Dwata laen dù là gbeken du.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.