Sifanaya 2:10 - Udél Dwata: Gna Kesfasad ne Lomi Kesfasad

¹⁰ Yó se balà yóm alì keheklabak yó kem tau Muab ne yó kem tau Amun, yakà deng hennê le yó kem kun tau yóm Dwata laen dù là gbeken du.

Sifanaya 2:10 Referans Kwoze

Sifanaya 2:8

Yó bud udél yóm Dwata laen dù là gbeken du, yóm Dwata yó kem tau Israél, monen, “Deng gungolu yóm tendo kehnê kem tau Muab ne yó kem tau Amun yó kem dou tau ne deng tonu yóm kalu le mled yóm tonok le.

1 Pitér 5:5

Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”

Ubadaya 1:3

Tey keheklabakem abay se hono botu mgemel yóm gónóhem nô, tódô ye nô ta yó kem bulul geta. Yó udél ye, ‘Tau du de tô gmuta tekuy bè ni?’ Bê. Hol bê ye abay tnondo knô ye.

Danyél 4:37

Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”

Kehewà 10:3

Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.

Kehewà 9:17

Okóm sana tolo kehegmónem ne là kói móyô hewót kul yó kem dou tau.

1 Tutul Israél 16:21

Okóm là kô bayà Dwata kul anì laen dù tau hemgnok kul. Yó kmò kofinen kul, eles wen gel hetgamahen yó kem tau hol geta mogot benwu, yó monen mò kul,

Jirimaya 12:14

Yó udél Dwata, monen, “Ni se udélu ebè yó kem tólóng tau sidek nmò le deng tô mled yóm tonok tehe blayu bè yó kem dou tau Israél. Angat gotu kendutu lu ta yóm kul tonok lómón yóm angat kekdutu yó kem tau bè Juda ta yóm kul tonok.

Ubadaya 1:11

Yó buten yóm keglà ye yó abay se bè yóm kdaw kwen alì gónó le glayam yó kem dumu ye setwoli tau Israél, deng mom tódô bayà ye lu, deng ye mom mdà hlayuk, là kô dog tnóbóng ye kul. Bè yóm kdaw ksut le bélê le yó kem tólóng benwu mundug kul, gotu nuku le yó kem kendengen bè Jirusalim, omin le yó mólól du yóm syudad Jirusalim mlan bè yóm atù nmò le. Yó nmò ye se kuy, lómón ke yu sotu hohon yó kem tau Israél.