Sifanaya 1:5 - Udél Dwata: Gna Kesfasad ne Lomi Kesfasad

⁵ Angat bud nmou són le snéen yó kem tau gel tmaba ebè kdaw ne ebè blotik ne ebè bulón ditu ta ketef gónô le. Gel mon le Dwata kun yóm lolò le, okóm deng le mom bud gel tmaba ebè yóm dwata kéng boluyen Molék. Yó gónóm mon, angat gotu nmou són le.

Sifanaya 1:5 Referans Kwoze

Jirimaya 19:13

Yó kem gónô bè Jirusalim gomong yóm gónô bong yó kem tau hol geta mogot yóm benwu Juda, là kóen mólós ktonu kul. Là mólósen béléu, abay se ta ketef gónó ye gel mtem insinsu ebè yó kem blotik gel tnaba ye mò dwata ye ne gónó ye gel temwél yóm tifas grép ebè yó kem dwata lennged ye mò dsù ye ebélê le.’ ”

1 Bok Kem Tau Hol Geta 11:33

Yó gónóhu mò du nim ni, abay se deng knogol Selumun o, ne deng tmaba ebè yó kem dwata kéng lemwót bè dumu benwu, boluyen Astarti yóm dwata libun gel tnaba yó kem tau Sidon, ne bè Kimus yóm dwata lennged gel tnaba yó kem tau bè Muab, ne bè Molék yóm dwata kéng yó kem tau Amunayt. Là kô bud lolò Selumun du ne yóm dou lan, là se bud nmoen du yóm gónón hefligal do. Là kô dog nimónen du yó kem dou hlau, ne yó kem dou hlolò lómón yóm tehe kun gel nmò yóm maen Dabid.

Amus 5:26

Okóm deng mom yó gel nkay ye yóm geta bè yó kem dwata kéng boluyen Sakut ne yóm dwata blotik boluyen Kaywan, hono dwata deng nmò tdok ye.

2 Bok Kem Tau Hol Geta 23:12

Bud hegbà Jusaya snéen yó kem gónó gel demsù ebè yó kem dwata kéng deng hdà le te ketef yóm gónô bong yó kem gna tau hol geta bè Juda, ta yóm dfél tehe gónóhen nô Ahas. Bud hegbaen snéen yó kem gónó le gel demsù ebè dwata kéng tehe hdà Manasi bè yóm lewu lósól bè Gónô Dwata. Gotu lenusoken lu, ne sohulen etu bè Datal Kidron.

1 Bok Kem Tau Hol Geta 18:21

Omin Ilaydya mdà bè solu yóm kdéen tau, monen mò kul, “Deng kegen ye lemolò du yóm lewu kem hentahu ye? Ke Dwata se yóm tahu Dwata, hol du lolò ye. Okóm ke Baal se yóm Dwata, hol du lolò ye.” Okóm bà sekteb ke mudél le yó kem tau.

Sulat Pol Ebè Yó Kem Tau Hemtahu Bè Rom 14:11

Deng wen tehe udél Jisas deng snulat le, monen, “Ou se yóm Dwata là kóen na a matay ne ni se hol udélu. Angat le gotu mtud bukol bè soluhu yóm kdéen tau, ne kdê le se angat mon du, ‘Uu se yóm tahu Dwata.’”

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.

Husiya 4:15

Balù yó ne yóm benwu Israél lómón ke libun hdóyón, là teneben béléu, olon se benwu Juda ne ke hol béen abay gbót mò du kun yóm yó. Bê ye abay mógów ebè Gilgal bè benwu Israél duhen ke bè Bét-abén ke tô tnaba ye o bè yó. Ne bê ye abay gbót smafà ditu ke mon ye, ‘Mlan bè boluy yóm Dwata mowil’ abay se olon te kulit yóm nmò le yó.

Jirimaya 32:29

Yó kem sendalù Babilun kmamfù tekwang yóm beng hmilol Jirusalim, angat le tódô gotu husek na le e ntem yóm syudad. Gotu ntem le se yóm kdéen gónô, gónó le gel mtem insinsu ta ketef le ebè yóm dwata kéng boluyen Baal ne gel ketwél le yóm tifas grép gel ninum le ebè yó kem dwata kéng. Duhen yó se yóm alì lenbutu.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Isaya 45:23

Sok wen gel fasadu hol dohò se yó, laen kô gembek temles du. Yóm fasadu kuy yó, là kóen bud mulék elem baku. Yó fasadu, angat kdéen tau gotu mtud bukol bè soluhu, mung du yóm safà le béléu anì són ou yóm gónó le mogot.

Isaya 44:5

Ne yó kem tólóng tau, angat sotu kun mon du, ‘Tauhe Dwata dou.’ Ne yó kem tau mon du yóm yó, angat le mung bè yó kem tau Israél. Sket kul tmugéng du bè sigel le yóm boluy Dwata. Gel mon le, ‘Ou se sotu tau Dwata.’ ”

1 Bok Kem Tau Hol Geta 11:5

Deng mom tmaba ebè yóm dwata libun boluyen Astarti yóm kul dwata kéng yó kem tau Sidon ne ebè Molék yóm dwata kéng yó kem tau Amunayt, yóm alì kenbê.

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Kul Nmò 10:9

Hayahen bè yó, deng móyónen gtungu kdaw, deng le moni ne bè Jupa. Bè yóm uras yó, lemwót Pitér mógów ebè gónó henos ditu ta na a mni bè Dwata.

Jirimaya 7:9

Igò ye gel mnagaw ne monok ne mò samuk. Gel ye smafà kéng ne deng ye mom demsù ebè Baal ne deng ye mom tmaba ebè yó kem dwata là deng kuy hnikót tngón du.

Jirimaya 7:10

Omin ye yó mdà bè soluhu lem yóm dou Gónô ne mon ye, “Laen kô dù hemen me bè ni se kum.” Kéng yóm yó, abay se tódô senflós ye mò du yóm alì kenbéu.

Jirimaya 12:16

Ne ke hol lolò le yóm kul hentahu yó kem dou tau ne ke hol lemwót lem but blutut le ne ke hlan le bè dou boluy ke wen safà le, ke mon le, ‘Safau bè boluy yóm Dwata là matayen’ (lómón yóm tehe ktolok le yó kem dou tau, hsafà le lu bè boluy Baal) ke yó nmò le, baling le mò dou tau.

Dwata 4:19

Ke gel ye temngel etta bè longit ne ton ye kdaw ne bulón ne yó kem blotik, hol ye temgama anì là tmaba ye ebélê le. Ni kem gel ton ye ni, deng tódô bayà Dwata lu ebè yó kem tólóng tau bè dumu benwu mò gónó le tmaba se kul.