Sifanaya 1:4 - Udél Dwata: Gna Kesfasad ne Lomi Kesfasad

⁴ “Angat tnafaku yó kem tau bè Juda dalang se yó kem tau bè Jirusalim. Nmou sónen yóm gel ktaba le ebè Baal bè yó. Ne yó kem tau gel blóng ebéléen, laen kô dù bud hemtulón kul nawa.

Sifanaya 1:4 Referans Kwoze

Mika 5:13

Angat gotu genbau yó kem dwata lennged ye ne yó kem hehek botu deng hetfing ye mò gónó ye tmaba ebélê le. Là kô ye bud gtaba ebè yó kem dwata kéng nmò tdok ye.

Jirimaya 6:12

Angat gotu hledu kem hohon le yó kem gónô le ne yó kem tonok gónó le mò hulu. Balù yehen le gotu hwahu yó kem hohon le. Yó gónón lómón yó nmou bélê le, yakà gotu tnafaku kul yó kem tau lem nim benwu ni,” mon Dwata.

2 Tutul Israél 34:4

Gotu hegbaen snéen yó kem gónó le demsù ebè Baal ne yóm gónó le gel mtem insinsu ebéléen. Gotu hlusoken lu yó kem hehek yóm dwata kéng boluyen Asira ne yó kem dwata kéng gel nmò le gu bè koyu, dalang se yóm dwata lennged gel tenwél le, gotu hlusoken. Ominen gotu smohul kul ebè lebeng yó kem tau gel demsù ebélê le.

2 Bok Kem Tau Hol Geta 21:13

Genbau Jirusalim lómón kegbau syudad Samarya. Gotu genlau yó kem tauhen lómón keglau yó kem fes lówó Ahab. Lómón kmou du, lómón ke molobe huyów, ominu hmokob du.” Timbow matay Manasi, yó bud tles tau hol geta bè Juda, duhen yóm ngaen Amon. Loloen se kun yó kem sidek nmò maen efet hnatay yó kem tau tóbóng lówóhen bè gónô bongen. Okóm bud wen kem tau hmatay kul se kul yó kem tau hmatay ke Amon yó. Ne yó bud tles tau hol geta bè Juda, duhen yóm ngaen Jusaya.

Kehewà 15:12

Olo bè kehdaem sigel kwananem gónó tonok hemlo yó kem hohon me.

Jirimaya 15:6

Yu se yó kem tau deng kembê dou,” mon Dwata. “Deng knogol ye ou. Duhen ni, tayalu eta sigelu mò gemlà kuy. Denge tey tmakas ne hembala du yó kem sidek tendo gel nmò ye.

Sifanaya 2:11

Angat tey sidek kehlikò Dwata kul lemwót bè yóm sulék kegbaen yóm kdê dwata lennged le. Bè yóm kton le du yó kem tau bè klamangen benwu nim ni, angat són ebè Dwata gónó le e tmaba ne tódô ket kul ne sotu tmaba ebéléen bè yóm kul benwu.

Sifanaya 2:13

Angat tnafak Dwata snéen Asirya yóm benwu fi bwak, deng eles tayalen eta le sigelen. Ne dalang se Ninibi yóm hol yê yó kem syudaden, angat henbaling Dwata benwu laen dù tauhen, heskélen bè yóm benwu là hyu menwu du.

2 Bok Kem Tau Hol Geta 23:12

Bud hegbà Jusaya snéen yó kem gónó gel demsù ebè yó kem dwata kéng deng hdà le te ketef yóm gónô bong yó kem gna tau hol geta bè Juda, ta yóm dfél tehe gónóhen nô Ahas. Bud hegbaen snéen yó kem gónó le gel demsù ebè dwata kéng tehe hdà Manasi bè yóm lewu lósól bè Gónô Dwata. Gotu lenusoken lu, ne sohulen etu bè Datal Kidron.