Sifanaya 1:15 - Udél Dwata: Gna Kesfasad ne Lomi Kesfasad

¹⁵ Yó se yóm kdaw kehton Dwata du yóm alì ksidek kebuten, kdawen alì glayam tau, kdaw le meglà, laen kô dù bud gmò le, kdawen alì mget kkifuhen, kdawen alì mget klobunen,

Sifanaya 1:15 Referans Kwoze

Juwél 2:2

Hol kdawen gmeeb kifu, kdawen mfól lobun ne mget kifu. Tódô muluk yó kem tey kwen le. Botong tódô baling kmifu ta yó kem bulul bè yóm ksut le. Laen deng hnikót sut he bè yóm kdaw gna ke lómónen ni ne laen se dù bud sut elem hulin kdaw.

Deng Hegfan 6:17

Abay se deng hto ne yóm kul kdaw tmafak, ne laen kô dù tau gewà gu lemen.”

2 Pitér 3:7

Okóm yóm longit ne tonok gel ton tekuy nim kmoen ni, angat bud lemwót bè udél Dwata snéen gónó le meglà, bede ofi ne tles mò lemsón du. Okóm là tagad nmoen du he efet kól yóm kdaw kkukumen yó kem tau là kmikò du, yóm kdaw keglaen kul.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Sifanaya 2:2

Hegsel ye dé, yóm gu laan ye là deng holis bè lenos lómón kafa halay, yóm gu laanen là deng kmukum kuy Dwata, yóm gu laanen là deng sut bélê ye bè yóm alì ksidek kebuten kuy, yóm gu laanen là deng sut bélê ye bè yóm kdaw kehtonen yóm alì kebuten.

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Matyu 24:29

“Sok kogol yóm alì hlayam bè yó kem kdaw yó,” mon Jisas, “angat là buden mnóng kdaw dalang se bulón, ne angat le gotu btang gu bè longit yó kem blotik, ne là bud glolò le lesang le yó kem dumu mnóng gu bè longit.

Dwata 28:52

Angat nundug le kdê yó kem syudad gónó ye nô bè yóm benwu angat blay Dwata kuy yóm sana kuy Dwata hol gónó mogot. Ne yó kem beng geta alì mbegel hmilol yó kem syudad ye, yóm beng snalig ye mò gónó ye gel heklung gotu genbà le.

Isaya 8:22

duhen ke hmunu le ebè tonok tek són ton le, són yóm gónó le glayam ne yóm tey kkifuhen, yóm kifu wen klikò mung du. Ne laen kô dù lan le mógów elemen. Laen kô gónó le gewà du yóm tey hlayam angat gefet bélê le.

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.