Sifanaya 1:14 - Udél Dwata: Gna Kesfasad ne Lomi Kesfasad

¹⁴ Deng moni ne yóm hol kun kdaw Dwata, yóm kdaw alì knikò. Deng tey moni ne yóm kdaw yó, lelen alì meslò. Hnungol ye, balù yó kem sendalù alì lóbô, sana klangat le. Hol kdawen héét yóm kdaw yó.

Sifanaya 1:14 Referans Kwoze

Malakay 4:5

Ngem, gu laanen là deng sut yóm kun kdaw ktafak yóm sana Dwata hol gónó mogot, angat wen hwitu elem blóng ye duhen Ilaydya yóm sotu tau tugodu.

Sifanaya 1:7

Bê ye abay mudél bè solu yóm Dwata hol dandónen geta, yakà móyónen kól ne yóm kdaw kkukum Dwata tau. Deng eles fan Dwata lu yó kem tauhen mò hfatayen ne deng eles tinoken yó kem hohon le mò gemlà kul.

Juwél 2:11

Bè yóm igò Dwata malak kul, tódô mensag. Ya tey kwen le yó kem nwiten ne gotu nimón le yóm kdê dóken kul. Tey kenyó yóm kun kdaw Dwata, ne tey sidek. Tau du de gembek hembala du yóm kdaw yó?

1 Tisalunika 4:16

Bè yóm kkólen, wen gna hemsag gu bè longit mò mbal yóm kdéen. Ne mudél se yóm hol geta bè yó kem gel hógów Dwata nô bè yó, lel yóm tey uni féw Dwata, ne ominen yó htuntun gu tta bè longit yóm gónó tekuy mogot. Ne segeng le se bud mowil yó kem tau hemtahu béléen deng tehe gna matay.

Isaya 33:7

Okóm yóm kmoen ni, balù yó kem tau lóbô bélê me, botong dawat le kem dumu le. Balù yó kem tau hógów yóm tau hol geta bélê me mò na a mit sefyu bè yó kem hohon me, ya tey sidek kkik le.

Sulat Jim 5:9

Sotuhen, kem dumuhu setwoli, bê ye abay gel sduón anì là angat tnafak Dwata kuy. Ngem deng mdà snolu aut ne yóm angat kmukum tekuy, són kotunen duen.

Kul Nmò 2:20

Tódô angat gseng nóng kdaw ne yóm nóng bulón, angat khulóen litô bè yóm kdaw yó. Nan gotu sut he ni kem ni gu laanen là deng sut yóm kun kdaw yóm gónó tekuy mogot, duhen yóm kdaw angat kkukumen kdéen tau.

Juwél 1:15

Deng mdulen ne yóm kun kdaw Dwata, yóm kdaw nan e kegbà klamangen yóm Dwata laen dù là gbeken du. Tey sidek knikò yóm kdaw yó.

2 Pitér 2:3

Lemwót bè yóm kebel le filak, tey dê gel tulón le kuy hono kem tulón lemambù. Deng legen ne eles kbuteng Dwata du ne yóm angat ktafaken kul. Són féten, là dengen hto he yóm butengen mò du.

Amus 8:2

Snólók Dwata ou, monen, “Amus, tedu de tonem?” Bnalau se, monu, “Abì hnok bungu koyu deng mélél.” Omin Dwata bud mon du mò dou, “Yóm bungu koyu deng mélél ni, hnigaden yó kem dou tau Israél deng tey tógó tmafak kul. Là bud gnolunu du ne yóm ktafaku kul.

Juwél 2:31

Gu laanen là deng sut yóm kdaw alì knikò yó, yóm kun kdaw Dwata, angat baling kmifu yóm nóng kdaw ne yóm bulón angat tódô baling tógó hulô, lómón khulóen litô.

Sifanaya 1:10

Yó bud udél Dwata, monen, “Bè yóm kdaw yó, angat wen tey lemangat gungol ye lemwót gu bè yóm Tikeb Utón Él bè Jirusalim. Tódô wen dmumu mkik gungol ye lemwót gu bè Misné, yóm lomi benwu lemnek glem lem Jirusalim ne wen tey uni gbà gungol ye lemwót gu bè yó kem bulul lemnek bè yó.

Juwél 3:16

Tey lungkulen gu bè Sayun yóm udél Dwata ne lemték gu bè Jirusalim. Tódô gotu msinsig tonok ne longit. Okóm bè yó kem kun tau Israél, Dwata se gónó le e mlo mò gónó le e heklung.”

Juwél 2:1

Huni ye yóm féw bong eles hetgama tau bè Jirusalim. Huni ye ta yóm dou bulul. Yake gotu ye kenkel kem tau mungol du, lemwót bè klikò ye, abay se móyón kól ne yóm kun kdaw Dwata, bè ktahuhen deng mdulen ne.

Jirimaya 30:7

Móyónen kól ne yóm kdawen wen tey glumfak, kdaw laen dù bud gónóm e hmingón du, kdaw le hol glayam yó kem dou tau Israél, okóm bè hol sónen gewà le.”

Hibru 12:26

Bè yóm tehe kudél Dwata ebélê le ekni, botong megsinsig tonok. Okóm deng wen eles tulónen bè yóm angat nmoen elem hulin kdaw, yó monen, “Angat bud sninsigu sulék he, okóm là sónen du tonok sninsigu, homongu snéen longit.”Yó hol lanen yóm udél Dwata yó koni, tulónen yóm angat gotu ksinsigen yóm kdéen deng tehe dlimunen ekni mò hol són le. Yó tlesen du yóm là gbeken megsinsig, duhen yó se kem laen dù tul són le.

Flipay 4:5

Hol hen-ganag ye nawa ye bè yóm kdéen tau. Móyónen kól ne yóm gónó tekuy mogot.

Isaya 8:22

duhen ke hmunu le ebè tonok tek són ton le, són yóm gónó le glayam ne yóm tey kkifuhen, yóm kifu wen klikò mung du. Ne laen kô dù lan le mógów elemen. Laen kô gónó le gewà du yóm tey hlayam angat gefet bélê le.

Juwél 3:14

Hilu libuhen tau hatan ditu bè datal na a mangat kukum. Abay se bè yó gónón sut yóm kun kdaw Dwata ne deng mdulen ne.