Sifanaya 1:13 - Udél Dwata: Gna Kesfasad ne Lomi Kesfasad

¹³ Yóm kul kimu yó kem tau yó, angat gotu negef yó kem hohon le ne yó kem gónô le gotu genbà le. Ke hdà le gónô, là kô le gnô lemen. Ke hmulu le grép, là kô bud ginum le du tifasen.

Sifanaya 1:13 Referans Kwoze

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

Dwata 28:30

Yóm libun deng leninti ye, deng mom tólóng tau myehen du. Yóm gónó hdà ye deng mom tólóng tau nô tahen. Yóm grép hulu ye là kô yu du mken bunguhen.

Jirimaya 15:13

Lemwót bè yó kem salà le béléu yó kem dou tau, angat hwahu yó kem hohon le yó kem kendengen le ne yó kem kimu legen le.

Jirimaya 9:19

Hnungol ye dé yóm tey kik bè Sayun, yó mon le, “Deng tekuy gotu meglà ne. Deng tekuy gotu myak ne ni. Deng bang ktebel tekuy du ne nim benwu tekuy ni, abay se deng gotu gbà yó kem gónô tekuy.”

Dwata 28:39

Yó kem grép angat hulu ye tey kesgifà ye kul, okóm laen kô dù bungu nuta ye ne laen se kô dù tifas nmò ye mò gel ninum ye, abay se gotu ken kuled yó kem lefaen.

Sifanaya 1:9

Tahu se, angat tnafaku yóm kdéen tau deng lemolò du yóm kul gel lolò yó kem tau là deng temngón dou, kkólen bè yó kem tau gel mnagaw ne gel monok, gel hennok le yóm gónô amo le yóm gel hennagaw le.”

Mika 3:12

Duhen yó, lemwót bélê ye angat gónó le dmadu du yóm Bulul Sayun, hol lómón kmò le du ke tonok gónó mò hulu. Ne yóm Jirusalim, sulék genbà le. Ne yóm bulul gónón mdà yóm Gónô Dwata, tódô baling bulul hono dlag.

Jirimaya 9:11

Yó bud udél Dwata, monen, “Yóm syudad Jirusalim, angat gotu genbau yóm klamangen mò gónóhu lemuduk yó kem deng gbà, mò gónó le nô yó kem ohu lóbô lem bnes. Yó kem dumu benwu bè Juda angat gotu genbau, laen dù bud tau menwu du.”

Isaya 6:11

Ominu smólók ke Dwata, monu mò du, “Étey, Dwata. Kmò kegenen de yóm kgel kulu le yó?” Yó balaen do, monen, “Yó kmò kegenen efet deng gotu gbà yó kem syudad le ne laen dù bud tau le ne laen dù bud gmónô tonem ne laen dù bud hulu tonem ta yó kem tonok le.

Dwata 28:51

Yó nmò yó kem sendalù le, angat gotu tnétê le yó kem ógóf ye ne gotu ken le yó kem hulu ye ne fen ye gotu matay lemnus yó dum kuy. Laen kô dù hulu tebel le bélê ye ne laen se dù tifas grép tebel le ne laen se dù hnolo uliben. Yó kem ngà safì ye ne kem ngà ubiha ye, laen kô dù tebel le bélê ye efet ye gotu matay lemnus.