Rut 4:5 - Udél Dwata: Gna Kesfasad ne Lomi Kesfasad

⁵ Ne yó bud balà Buas du, monen, “Ke tahuhi móyô bemli du yóm tonok Numi tu, là hyuhen ke là homongem ke Rut yóm libun bolu lemwót bè Muab, anì wen dung lówó tum tau deng matay ne anì wen ngaen béléem mò tles bud mfun yóm tonok le.”

Rut 4:5 Referans Kwoze

Matyu 22:24

Wen se kul snólók bè Jisas, mon le, “Ó Sér, tehe gel mon Musis, ke matay yóm logi igò le là deng mngà yóm yehenen, yóm twolihen tmodol béléen bud lemolò yóm kun yehen anì wen ngaen béléen mò kun sfu yóm twoguhen.

Tekang Kbuten 38:8

Ne yóm mon Juda mò ke Unan, yóm dumun sulil-lem Ir, “Yehenem Tamar, lómón yóm deng monen bè hlau tekuy gbak bè dumun sulil-lem yóm tau deng matay. Yóm gna ngaem béléen ke Ir funen.”

Kun Snulat Luk 20:28

“Ó Sér, wen yóm tehe hlau deng snulat Musis bélê tekuy, yóm monen, ‘Yóm tau setwoli, ke matay yóm twogu le, ne ke wen yehenen tebelen, ne lelen laen deng ngà le he, yóm twolihen tmodol béléen bud myehen du yóm yehen twoguhen anì wen ngà le mò sfu yóm twoguhen deng matay.’Na,” mon le, “tehe yu ekni wen hitu kem logi sesotu sut le. Myehen yóm hol twogu bélê le, okóm kendel matay laen deng ngà le.