Rut 4:17 - Udél Dwata: Gna Kesfasad ne Lomi Kesfasad

¹⁷ Ne yó fen mò boluyen yóm ngà yó, yó kem libun dumu le sebét. Yó boluy le du Ubid. Ne yó gel tulón le bè yó kem dumu tau, mon le, “Deng wen ngà Numi logi.” Tikóng deng myehen Ubid ne mngà, duhen Jisi yóm mà Dabid.

Rut 4:17 Referans Kwoze

Rut 4:16

Omin Numi ma du yóm ngà ne sniwihen ne tey kesgifaen du.

Rut 4:18

Ni se kmò kesektolen lenwóten bè Pérés kól bè Dabid: Yóm Pérés, mà Hisron. Yóm Hisron, mà Ram. Yóm Ram, mà Aminadab. Yóm Aminadab, mà Nasun. Yóm Nasun, mà Salmun. Yóm Salmun, mà Buas. Yóm Buas, mà Ubid. Yóm Ubid, mà Jisi. Ne yóm Jisi, mà Dabid.

1 Samwél 16:1

Yó udél Dwata ebè Samwél, monen, “Geblaen yó ne yóm klangagem ke Sol. Deng kóhu yóm kegetahen bè Israél. Okóm ni, nlemem hnolo ulib yóm hanga ógóf, mógówi etu bè Bitlihim bè yóm tau boluyen Jisi menwu bè yó. Yakà deng wen sotu néléku bè yó kem ngaen mò angat tau hol geta bè benwu ye.”

1 Samwél 17:12

Yóm Dabid ngà Jisi. Yóm Jisi sotu tau semfu gu bè yóm tehe Ifraim ne nô bè Bitlihim yóm benwu glem lem Juda. Wen wolu ngaen logi ne bè yóm kogot Sol bè Israél deng tey tuha ne kun ke Jisi.