Rut 4:13 - Udél Dwata: Gna Kesfasad ne Lomi Kesfasad

¹³ Duhen yó, nwit Buas Rut ebè gónóen mò yehenen. Mlan bè yóm któbóng Dwata ke Rut, ominen mlutut ne mngà logi.

Rut 4:13 Referans Kwoze

Tekang Kbuten 33:5

Timbow deng keskik le, omin Iso temngel hilol, ne tonen yó kem libun ne yó kem ngà, ne snólóken Jakub, monen, “Kem tau kul de ni kem mung kóm ni?” Bnalà Jakub se, monen, “Ni se, hono kem ngà blay Dwata dou lemwót bè yóm tey kehyu nawahen.”

Tekang Kbuten 29:31

Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Rut 3:11

Duhen ni, Rut, béem htafa nawam, nmou yóm kdê kóyóem. Deng gotu tngón yó kem tau bè nim benwu ni yóm tey kgulit knawahem.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Kem Lingón 113:9

Hefligalen yóm libun atil mlan bè kehngaen du. Hol dóyón tekuy Dwata.

1 Samwél 2:5

Yó kem tau tehe alì wen ken le, deng le baling bitil. Okóm yó kem tau tehe bitil, deng le gemtu. Yóm libun tehe atil, deng baling dê ngaen. Okóm yóm libun tey tehe wen ngaen, deng mom baling libun tódô sentebel.

1 Samwél 1:27

Tehe hnihu bè Dwata nim ngà ni ne tahu se blayen do.

Rut 4:12

Yó kem ngà angat blay Dwata kóm sut gu bè nim libun hanà lomi ni, hol le mkél bè yó he kem kun kwen tehe fes lówó Pérés yóm ngà Juda lewu le Tamar.”

Tekang Kbuten 30:2

Deng mom lenbut Jakub Rakél ne monen mò du, “Ou kô Dwata? Bè Dwata se gónón lemwót yóm là kngaem.”

Tekang Kbuten 25:21

Lemwót bè yóm là kngà Ribika, yó gónó Isak mni béléen bè Dwata. Ne bnalà Dwata se yóm hni Isak yó, ne mlutut Ribika.

Tekang Kbuten 20:17

Omin Abraham mni bè Dwata, ne hkó Dwata yóm des Abimélék ne yehenen dalang se yó kem libun tóbóng lówóhen anì bud le mngà.