Rut 3:3 - Udél Dwata: Gna Kesfasad ne Lomi Kesfasad

³ Yó nmoem, nahem ne dyo ne lumangem bè lówóhem yóm gel hboo ne lesekem yóm nes alì tilobem. Ominem mógów etu bè gónó Buas kmusu. Bede béi tagad hegfan béléen gu laanen là deng mken.

Rut 3:3 Referans Kwoze

2 Samwél 14:2

Yó gónón hangay yóm libun hulung hedem lemwót bè Tikwa. Tikóng gdek bè yó yóm libun yó, yó mon Juab mò du, “Hlingóni libun langag, lesekem yóm nes langag, ne béi abay dyo duhen ke lemunol hboo. Hol lómón ke uu yóm libun deng legen klangagen.

Istér 5:1

Timbow deng tlu butengen bè yó omin Istér lemsek yóm nes libun boi, mógów ebè gónô bong bè Sérksis. Tikóng kól ditu, tódô htengen mdà bè lewà yóm bak dól yóm dfél yóm tau hol geta. Ne nô lemen yóm tau hol geta myón bè yóm bangkù gónón myón kmamal bede smolu ebè bak dól.

Matyu 6:17

Okóm bélê ye kuy, ke gel ye fasting, hyu ke gel ye hgifat mouf ne semwat

Kem Lingón 104:15

Wen se mò gónó le ma tifas grép mò ninum le mò hefligal kul. Ne wen se gónó le ma hnolo ulib mò lunol le bè lówó le. Ne wen se mò gónó le ma ken mò hekgis kul.

Rut 3:2

Yóm Buas gónó le mò nmò yó kem libun gónóm gel mung hol kut dumu. Ni hnungolem. Kifu ni kedeng kkusuhen halayen.

Rut 3:4

Hol hnénégem gónón seblà hlilil ne ke deng tungô, yó he kógówem ebéléen ne tnukéhem tum kumù limun bè tihen, ominem hlilil bè yó klohok tihen ne limunem se kóm yóm kumuen yó. Ke deng btik, angat tulónen kóm he yóm angat nmoem.”

2 Samwél 12:20

Omin Dabid mdà, ne dyó, lenunolen hboo lówóhen, ne tenlesen nesen. Ominen mógów ebè Gónô Dwata, tey knihen ebè Dwata bè yó. Ominen semfulék ebè gónô bongen ne mken.