Rut 3:14 - Udél Dwata: Gna Kesfasad ne Lomi Kesfasad

¹⁴ Tahu se, tódô hlós hlilil bè yó Rut klohok ti Buas. Okóm tódô hlafus btik gu laanen là deng minal mwas anì laen dù tau mton du, abay se là móyô Buas ke wen tau temngón du yóm knóen bè yó.

Rut 3:14 Referans Kwoze

2 Kurin 8:21

Kóyô me ke laen dù gónón gemsanil kum yóm gónó tekuy mogot, dalang se kem tau, hyu ke laen dù sanil le kum se kul.

Sulat Pol Ebè Yó Kem Tau Hemtahu Bè Rom 14:16

Baluen ke là sideken béléem, okóm ke sidek bè yóm sotu dumuhem hemtahu, hol béem abay nmò, abay se kô baling sidek kbak le ebéléem.

1 Pitér 2:12

Hol hninggel ye mò kmò ye lem blóng yó kem tau là hemtahuhen. Abay se ke són hyu yóm gel ton le bélê ye, laen kô sfuhen ke wen tô semtulón kuy. Ngem angat gbót dóyón le Dwata bè yóm kdaw kesfuléken edini.

1 Kurin 10:32

Hol bê tekuy abay nmò gónó le gseng ebè Dwata yó kem dumu tau, kihu ke Ju le duhen ke là Ju le, duhen ke yó kem dumu tekuy hemtahu bè Dwata.

1 Tisalunika 5:22

ne hol ye hlayuk du kuy yóm kdéen nmò sidek.

Sulat Pol Ebè Yó Kem Tau Hemtahu Bè Rom 12:17

Bê ye bnalà sidek yó kem gel mò sidek bélê ye. Hentilob ye kmò ye anì laen dù gónó le gemsanil kuy kem dumu ye.

Rut 3:15

Yó mon Buas mò du, “Lennalem bè ni kumuem.” Tahu se, lennalen. Botong sóól sakù halay kok Buas tahen, ominen tmóbóng mkay du eta kuluhen. Ne mulék ebè tuónen Rut.