Rut 3:13 - Udél Dwata: Gna Kesfasad ne Lomi Kesfasad

¹³ Nam tódô nô bè ni sen nim kifu ni. Hlafus haya mógówe ebéléen naw e stulón du, hnénég ke móyô semgifà kóm. Ke móyô bong hyu. Là ke là, ou ne. Dwata mungol du nim monu ni yóm Dwata hlós mowil. Nam na bud hlilil bè ni efet mwas.”

Rut 3:13 Referans Kwoze

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Rut 4:5

Ne yó bud balà Buas du, monen, “Ke tahuhi móyô bemli du yóm tonok Numi tu, là hyuhen ke là homongem ke Rut yóm libun bolu lemwót bè Muab, anì wen dung lówó tum tau deng matay ne anì wen ngaen béléem mò tles bud mfun yóm tonok le.”

Rut 2:20

Yó mon Numi, “Tey, Dwata he hol tmóbóng ke Buas, yóm Dwata sal tendo gel dnohoen yóm fasaden yó kem tolo mowil, dalang se tu kem deng matay.” Ne bud wen tulónen ke Rut, monen, “Yóm tau yó, tey moni kdumu tekuy du ne là móngóhen ke du fen semgyok kut.”

Hibru 6:16

Bè tau kun, ke gel mò fasad, sal gel smafà bè boluy yóm geta sentahen, duhen Dwata. Ne ke yó nmoen ke wen senkukum le, laen kô dù sfuhen yóm keskukum le yó, abay se deng hlanen bè boluy Dwata.

Kmukum 8:19

Mon Gidyun se, “Hono kem dou dumu setwoli, hol me sulil lem. Ke yó dum là tehe hnatay ye kul, smafae bélê ye hlanu bè boluy yóm sana kum Dwata hol gónó mogot, là kô hnatayu kuy se kuy.”

2 Kurin 1:23

Yó gónóhu là dohò slob bélê ye bè Kurin bè yóm tehe kógówu, abay se là kóyóu du ke wen gónóhu mudél kuy. Tódô ton Dwata se ke kéng nim monu ni koni. Gotu tngónen se yóm nô bè nawahu.

Rut 3:12

Tahu se, monihe bè yóm tehe tuónem ne dou snolu yóm semgifà kóm. Okóm wen sotu tau alì moni sentahu bè yóm tehe tuónem yó.

Jirimaya 12:16

Ne ke hol lolò le yóm kul hentahu yó kem dou tau ne ke hol lemwót lem but blutut le ne ke hlan le bè dou boluy ke wen safà le, ke mon le, ‘Safau bè boluy yóm Dwata là matayen’ (lómón yóm tehe ktolok le yó kem dou tau, hsafà le lu bè boluy Baal) ke yó nmò le, baling le mò dou tau.

Rut 4:6

Okóm mom yó bud udél yóm tau yó koni, monen, “Ke lómón yó kmoen, blayu kóm ne yóm dou kwalis tô bemli yóm tonok yó. Tódô uu kut ne bemli du. Baluen ke ou bemli du, là kô gfun le du yó kem dou ngà. Hyu nawaw là kem bemli du ne.”