Rut 3:11 - Udél Dwata: Gna Kesfasad ne Lomi Kesfasad

¹¹ Duhen ni, Rut, béem htafa nawam, nmou yóm kdê kóyóem. Deng gotu tngón yó kem tau bè nim benwu ni yóm tey kgulit knawahem.

Rut 3:11 Referans Kwoze

Kem Udél Hlalak Tehe Selumun 31:10

Mdangan gónó mton du yóm libun mò yehen hyu kmoen ne ke wen libun lómón yó kmoen tey hyu senta yóm kimu legen mebtes.

Kem Udél Hlalak Tehe Selumun 12:4

Hegdóyónen ne hefligalen tuha logihen yóm libun hyu kmoen, okóm yóm libun henyaken tuha logihen lómón ke gel hengoken lem tiolen.

Rut 3:12

Tahu se, monihe bè yóm tehe tuónem ne dou snolu yóm semgifà kóm. Okóm wen sotu tau alì moni sentahu bè yóm tehe tuónem yó.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”