Rut 2:6 - Udél Dwata: Gna Kesfasad ne Lomi Kesfasad

⁶ Monen se mò ke Buas yóm tau yó, “Libun lemwót bè Muab mung ke Numi bè yóm kuléken.

Rut 2:6 Referans Kwoze

Rut 1:22

Ni se kmoen yóm tehe kkól Numi gu bè Muab ne Rut, yóm towuhen. Yóm kkól le bè Bitlihim, tolo lel le mbut muta yó kem tau bè yó.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Rut 1:19

Omin le yó tódô hlós lemwót efet le kól bè Bitlihim. Bè yóm kkól le bè yó, ya tey sidek ketnga yóm kdéen tau bè yóm benwu yó. Yó mon yó kem libun, “Numi kô mni?”

Rut 1:16

Mom yó balà Rut du, monen, “Béem tô hulék ou, Wê Libun. Munge kóm. Balù nô gónóm e solu elese mung kóm. Balù nô gónóhem nô nóe bè yó se dou. Yó kem kóm tau baling dou tau. Ne yóm kóm Dwata bud yó se baling dou Dwata.

Tekang Kbuten 39:4

Tey hyu nawa Putifar ebè Jusif, ne nmoen tóbóng lówó mò hol gfi béléen. Ne gotu hogoten du yóm kdéen tau mò nmò bè gónóen ne yóm kdê ngom nô lemen.

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 15:2

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Matyu 20:8

Timbow deng seklewet bè yó, ominen mon du mò yóm tau snaligen, ‘Tnabahem ne yó kem tau mò nmò, ne snukéyem lu. Gna snukéyem yó kem tau huli sut, ngangen efet kól bè yó kem tau tanay sut.’

Rut 2:5

Omin Buas smólók yóm tau gónón smalig du yóm nutahen, monen mò du, “Ngà libun du tu duu?”

Rut 2:7

Deng mbal béléu bè yóm khulihen yó kem tau muta anì nan e moyok. Deng nbuten hlafus ne moyok, hanà lomi hgolung bè slung koni.”