Rut 2:20 - Udél Dwata: Gna Kesfasad ne Lomi Kesfasad

²⁰ Yó mon Numi, “Tey, Dwata he hol tmóbóng ke Buas, yóm Dwata sal tendo gel dnohoen yóm fasaden yó kem tolo mowil, dalang se tu kem deng matay.” Ne bud wen tulónen ke Rut, monen, “Yóm tau yó, tey moni kdumu tekuy du ne là móngóhen ke du fen semgyok kut.”

Rut 2:20 Referans Kwoze

2 Samwél 2:5

yó gónón mdók tau ebélê le, wen udél hwiten kul, monen, “Dwata he hol muyag kuy lemwót bè yóm kehegfan ye yóm là konol nawa ye bè Sol, yóm tau hol geta bélê ye, botong lebeng ye.

Kem Udél Hlalak Tehe Selumun 17:17

Yóm tau swè, són mò le sbong nawa ne hol lómón kestóbóng le ke wen hlayam sut bélê le lómón ke sesotu sut le.

Flipay 4:10

Lemwót bè yóm kessotu me yóm gónó tekuy mogot, tey bong kligalu bè yóm tóbóng ye bud sut béléu. Tngónu yóm gónó ye là géhél hemwit ebéléu, là lemwóten bè yóm là kehedem ye do, okóm lemwót bè yóm klaen dù lan ye hemwit du ebéléu.

Job 19:25

Okóm béléu do, deng eles tngónu du wen nô bè longit angat mfi do ne bè hol sónen angat mdà dini talak tonok yóm mfi do yó.

2 Samwél 9:1

Sotu kdaw, smólók Dabid, “Wen kô tolo mowil bè yó kem fes lówó Sol anì tnóbóngu mò gónów hegfan du yóm nawahu ebè Junatan?”

Rut 4:14

Ne yó mon le mò ke Numi yó kem libun bè yóm benwu yó, “Hol dóyón tekuy Dwata bè nim béhem deng blayen kóm kemdaw ni mò angat semgyok kóm. Hol angat tótól bè yó kem tau bè Israél he nim ngà logi ni.

Rut 4:6

Okóm mom yó bud udél yóm tau yó koni, monen, “Ke lómón yó kmoen, blayu kóm ne yóm dou kwalis tô bemli yóm tonok yó. Tódô uu kut ne bemli du. Baluen ke ou bemli du, là kô gfun le du yó kem dou ngà. Hyu nawaw là kem bemli du ne.”

Rut 2:21

Bud mon Rut, “Yóm alì hyu du, yó monen mò do, tódóe hlós moyok bè dnaduhen kun efet kdeng yóm nuta.”

Rut 3:12

Tahu se, monihe bè yóm tehe tuónem ne dou snolu yóm semgifà kóm. Okóm wen sotu tau alì moni sentahu bè yóm tehe tuónem yó.

Rut 4:4

Ne hyu béléu ke tngónem nim ni. Ke móyói bemli du, tulónem do bè yóm igò le hmungol ni kem tuha myón bè ni nii. Okóm ke là móyói, tódô monem. Wen hol kwalisem bemli du se kóm lemwót bè yóm hol kesloni ye tum deng matay. Okóm ke là móyói, tódô o ne bemli du.” Ne mudél yóm tau yó koni, monen, “Yó ne yó. Ou ne bemli du.”