Rut 2:2 - Udél Dwata: Gna Kesfasad ne Lomi Kesfasad

² Sotu kdaw, mon Rut mò ke Numi, “Ke yó dum hyu béléem, Wê Libun, lelene tô moyok dé. Wen he yó tau móyô hoyok dou bè dnaduhen.” Mon Numi se mò du, “Duónen se, Yô, ke móyói.”

Rut 2:2 Referans Kwoze

Hlolò 23:22

Ke sok bang ye muta, hol bê ye abay nuta yó kem halay nô hilol kilil ne bê ye abay senfulék noyok yó kem dù tebel. Tebel ye lu bè yó kem tau élél ne bè yó kem tólóng tau menwu lem blóng ye. Ou se yóm sana kuy Dwata hol gónó mogot.

Hlolò 19:9

Ke deng bang ye muta, bê ye abay nuta yó kem halay nô hilol kilil ne bê ye abay bud senfulék nuta yó kem oyok.

Rut 2:7

Deng mbal béléu bè yóm khulihen yó kem tau muta anì nan e moyok. Deng nbuten hlafus ne moyok, hanà lomi hgolung bè slung koni.”

Hlolò 19:16

Bê ye abay tódô lenbù tnulón kéng kem dumu ye. Ne ke wen tau tô kukum le du hatay, hol tulónem bè kukum ke wen tngónem gónóm gemtóbóng du. Ou se yóm hol gónó mogot.

Hlolò 19:10

Ne bè yóm gónó ye mulu grép, hol bê ye abay bud semfulék e du ke tô bud nebel ye yó kem grép tehe là ton ye du, duhen ke tô bud nulut ye yó kem grép tehe btang ebè tonok. Tódô tebel ye lu bè yó kem tau élél ne bè yó kem tólóng tau nô lem blóng ye. Ou se yóm sana kuy Dwata hol gónó mogot.

Rut 2:3

Tahu se, kewót Rut bè yó ne sut bè yó kem tau muta ne mung huli kul nan e moyok. Uma kóm ke Buas funen yóm nuta yó.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

1 Samwél 1:18

Bnalà Hana se, monen, “Slamat, Sér.” Ominen mulék ne mken, ne là buden sidek kegnómen du.