Rut 2:15 - Udél Dwata: Gna Kesfasad ne Lomi Kesfasad

^15-16 Tikóng deng bud lemwót moyok Rut, yó mon Buas bè yó kem tau muta, “Tódô bayà hoyok ye bè tu kem tolo gónón wen halay masà ne bê ye abay mom bnólów. Ne ma ye bè yó kem logom ye ne tebel ye béléen mò tnù yóm noyoken.”

Rut 2:15 Referans Kwoze

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Hlolò 23:22

Ke sok bang ye muta, hol bê ye abay nuta yó kem halay nô hilol kilil ne bê ye abay senfulék noyok yó kem dù tebel. Tebel ye lu bè yó kem tau élél ne bè yó kem tólóng tau menwu lem blóng ye. Ou se yóm sana kuy Dwata hol gónó mogot.

Rut 2:14

Timbow le mken kemdaw, omin Buas tmaba ke Rut, monen mò du, “Ó Ngà, géhéli ne mahi se kóm yóm mambang ne duem lem sóbów.” Tahu se, seyón mken bè yó kem tau muta Rut. Omin Buas mogu du ebéléen yóm knuhom. Tódô mken Rut efet bsow ne wen he dù lukas ken tebel béléen.

Hlolò 19:9

Ke deng bang ye muta, bê ye abay nuta yó kem halay nô hilol kilil ne bê ye abay bud senfulék nuta yó kem oyok.