Rut 2:14 - Udél Dwata: Gna Kesfasad ne Lomi Kesfasad

¹⁴ Timbow le mken kemdaw, omin Buas tmaba ke Rut, monen mò du, “Ó Ngà, géhéli ne mahi se kóm yóm mambang ne duem lem sóbów.” Tahu se, seyón mken bè yó kem tau muta Rut. Omin Buas mogu du ebéléen yóm knuhom. Tódô mken Rut efet bsow ne wen he dù lukas ken tebel béléen.

Rut 2:14 Referans Kwoze

Rut 2:18

Ominen mit du mulék ebè gónô yóm noyoken ne toloken ke tuónen. Bud blayen ke Numi he yóm tehe dù lukas kenen.

Matyu 14:20

Tódô kdê le se gotu mken ne gotu le bsow. Timbow deng kken le, gotu sentifun yó kem gel lemolò ke Jisas yóm lukas ken le, botong sfolò lewu abì.

Dwata 8:10

Laen kô dù gónó ye élél bè ken ye ne angat dóyón ye Dwata yóm sana kuy Dwata hol gónó mogot, bè yóm tey tonok wen tebasen deng blayen kuy.

Isaya 58:7

Gel henken ye yó kem tau bitil ne hnódó ye bè gónô ye yó kem tau élél laen dù gónó le nô. Benlay ye nes yó kem tau laen dù bang nes lesek le. Hol bê ye kenbê tmóbóng yó kem kuy dumu.

Isaya 32:8

Okóm yóm tau laen dù kéngen, tey tedeng yóm gel nmoen ne tey mbegel kdaen du yóm tedeng.

Kem Lingón 23:5

Baluen ke deng le moni yó kem hohonu, mom htonem kul yóm kkayem dou ken. Lómón ke ou yóm tau hol nadatem mauy béléem. Laen selen yóm tey kligalu bè yóm nmoem béléu.

2 Samwél 17:28

Wen kem igam nwit le ebè Dabid, ne kem kuleng, ne kem tukung. Wen ken nwit le, duhen halay wit ne barli, ne arina, ne halay senla, ne blangul, ne blotung.

1 Samwél 25:18

Tahu se, tódô kendel hebetik Abigil, ma lewu latu botù mambang tahà ne lewu sning kulit ógóf hnok tifas grép ne limu ubiha deng tnétê ne lewu sakù halay deng senla ne lematu hunges bungu grép deng hendaw ne lewu latu hunges bungu fig, ominen gotu hlulón du bè yó kem kudà asnu.

1 Samwél 17:17

Sotu kdaw, yó mon Jisi mò ke Dabid, “Ó ngà, heslò etedem ditu bè kem twoguhem bè kamfù le nim sóól sakù knuhom ne sfolò botù mambang tahà nii.

Rut 2:13

Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”

Rut 2:15

Tikóng deng bud lemwót moyok Rut, yó mon Buas bè yó kem tau muta, “Tódô bayà hoyok ye bè tu kem tolo gónón wen halay masà ne bê ye abay mom bnólów. Ne ma ye bè yó kem logom ye ne tebel ye béléen mò tnù yóm noyoken.”