Rut 1:5 - Udél Dwata: Gna Kesfasad ne Lomi Kesfasad

⁵ matay Malun ne Kilyun. Tek són Numi dù tebel laen dù yehenen ne laen dù ngaen logi.

Rut 1:5 Referans Kwoze

Kun Snulat Luk 7:12

Timbow le deng moni bè bak sut yóm benwu yó, tódô geslong le yó kem tau semtihang matay. Yóm tau matay yó, tek són du ngà logi yóm libun bolu. Tey dê tau mung ke yéen na a tô lembeng du.

Jirimaya 2:19

Yó kem sidek tendo gel nmò ye, bud mulék eta ye. Gnóm ye he yóm tey khééten ne yóm tey ksideken yóm ktagak ye dou yóm sana kuy Dwata hol gónó mogot. Yó se ulék yóm là klikò ye dou. Ou se yóm Dwata hol dandónen geta, yóm Dwata laen dù là gbeken du nim mudél ni.”

Isaya 49:21

Ne angat monem se kóm, ‘Gónó le gu lemwót du ni kem tey dê ngau ni? Igò le se deng lana béléu yó kem ngau ne là kóe bud mngà. Igò le deng megef do ne nit le o mayuk. Tau du de fen henok kul ni kem tey ngà ni? Tek sotuhu yóm tagak. Gónó le gu lemwót du ni kem tey dê ngà nii?’ ”

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Rut 1:4

Deng malù legen udì bè yó, myehen le bè yó kem libun Muab yó kem lewu ngà le logi yó. Yó boluy le yó kem libun yehen le Urpa ne Rut. Timbow deng sfolò halayen yóm kegen le nô bè yó

Rut 1:6

Timbow legen udì bè yó, gungol Numi yóm tey bud któbóng Dwata yó kem tauhen, yóm tey kehbunguhen yó kem hulu le. Yó gónón htifes mulék ebè yóm kun benwu, mung du yó kem lewu towuhen.