Rut 1:20 - Udél Dwata: Gna Kesfasad ne Lomi Kesfasad

²⁰ Okóm mom yó balà Numi kul, monen, “Bê ye bud boluy do Numi ne. Yó tles boluy ye do Mara abay se deng tey kehféét Dwata klowilu.Bè yóm tehe kewótu gu dini, tey hyu klowil me. Okóm ni, tódô hulék Dwata o hkawang yóm Dwata alì gembek. Yó gónó ye là bud tmaba do Numi, yakà deng wen hegfà Dwata do yóm Dwata alì gembek ne deng tey sidek yóm hegnómen do.

Rut 1:20 Referans Kwoze

Job 6:4

Yóm gbunuu ni, hol lómón ke deng gentien o yóm Dwata alì gembek. Yóm alas yóm hanaken hol lómón ke deng lengeben gu lem lówóhu. Yóm kdê lan Dwata gel hmikò yó kem hohonen, gotu hegnómen do.

Hibru 12:11

Tey sidek kegnóm tekuy du ke wen gónó le gel tmedeng kuy. Balù udì ke wen kligal tekuy bè yóm igò tekuy tolo nô lemen. Okóm kogolen bè yó, wen tey uléken ke deng kuy megtolok. Yó uléken, baling tedeng kmò tekuy ne menek kehedem tekuy.

Kem Lingón 88:15

Nbut bè kegenu ngà, sónmou tendo gemnóm des, ne denge tô gel matay. Là bud hol gbeku du ne yóm keblaten yóm ktafakem dou.

Kem Lingón 73:14

Lómón kegnómu du, Dwata, lómón ke hnayamem ou ket kdaw. Ket hlafusem tmafak dou.

Job 19:6

Kaem kun kehlan du Dwata nim gdek tahu ni. Deng wen holot nmoen mò aluhen do.

Job 5:17

Okóm hligal kun yóm tau ke wen gónó Dwata semtódô du. Hol béem tnagaw nawa ke wen gónó Dwata mólów kóm.

Kehewà 6:3

Bè yóm tehe kehegfanu bè Abraham ne bè Isak ne bè Jakub, ou se yóm Dwata alì gembek. Okóm là kô deng hetngónu du kul he ke ou yóm sana Dwata hol gónó mogot.

Tekang Kbuten 43:14

Yóm Dwata laen dù là gbeken du hol mung kuy anì wen koduhen kuy tum tau tu, anì yó bud huléken ebélê ye Bindyamin ne yóm dumu ye setwoli deng tebel ditu. Ke béléu dou, ke lana béléu se yó kem ngau, laen kem bud kmonu du ne.”

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Deng Hegfan 21:22

Ne laen dù Gónô Dwata tonu lemen yóm syudad yó, abay se yó henged Gónô Dwata bè yó duhen Dwata, yóm gónó tekuy mogot, yóm laen dù là gbeken du, lewu le yóm Ngà Ubiha.

Deng Hegfan 1:8

Ni se udél Dwata, yóm gónó tekuy mogot, yóm laen dù là gbeken du, monen, “Ou se yóm hol buten ne bud ou se hol sónen.” Ni se udél yóm sana Dwata tenbut bè kbuten efet ni nem kmoen ni, ne du se yóm móyón bud sut.

Kehewà 15:23

Timbow le gefet bè yóm benwu boluyen Mara, wen él ton le bè yó okóm tey héét, là hyu minum du. Yó se gónó le moluy du Mara yó kem tau gnan abay se héét élen.