Rut 1:17 - Udél Dwata: Gna Kesfasad ne Lomi Kesfasad

¹⁷ Bè yóm benwu angat gónóm matay bè yó se do gónó matay ne bè yó se gónó le lembeng do. Són hatay néen gembek semkó do béléem. Dwata he hol tmafak do ke wen dumu but gónóhu skó béléem.”

Rut 1:17 Referans Kwoze

1 Samwél 3:17

Mon Ili mò du, “Tedu se tulón Dwata kóm du? Béem bnos béléu. Dwata tmafak kóm ke là tulónem du do yóm kdê tulónen kóm.”

2 Bok Kem Tau Hol Geta 6:31

Yó udél yóm tau hol geta, monen, “Dwata he hol hmatay do ke là heklengu du kulu Ilaysa ngà Safat nim kemdaw ni.”

1 Bok Kem Tau Hol Geta 2:23

Omin Selumun smafà bè Dwata, monen, “Hol hnatay Dwata o ke là hfatayu ke Adunadya bè nim hnihen ni.

2 Samwél 19:13

Ne bud wen udél hwit Dabid ebè Amasa, monen, “Lemwót bè yóm kessotu litô te, Dwata he hol tmafak dou ke là nmou kóm kmandér bè yó kem sendaluu mò tles Juab.”

1 Samwél 25:22

Dwata he hol tmafak do ke wen dù logi mò nmò béléen hlafus haya.”

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

1 Bok Kem Tau Hol Geta 19:2

Omin Jisébél hemwit udél ebè Ilaydya, monen, “Ke là bud nmou du béléem se kóm yóm deng nmoem bè yó kem tugod Baal, hol hnatay le o he yó kem dwata lennged ke là dengi matay lómón ni kdaw haya.”

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Rut 1:16

Mom yó balà Rut du, monen, “Béem tô hulék ou, Wê Libun. Munge kóm. Balù nô gónóm e solu elese mung kóm. Balù nô gónóhem nô nóe bè yó se dou. Yó kem kóm tau baling dou tau. Ne yóm kóm Dwata bud yó se baling dou Dwata.

Rut 4:15

Tey kbong nawahen kóm yóm towuhem. Anien he ke deng tehe hitu ngaem logi, botong kéng he yóm kul nawa kóm senta yóm kun nawa kóm nim towuhem ni. Ne ni, wen béhem béléen mò bemlay kóm lomi klowil ne mò semgyok kóm bè yóm deng ktuhahem.”

1 Samwél 14:44

Yó mon Sol mò du, “Tahu se, matayi. Dwata he hol hmatay do ke là matayi, Junatan.”

1 Samwél 20:13

Okóm ke alì lenbut mà uu ne kóyóen ke hnatayen uu, Dwata he hmatay do ke là sebu du kóm anì glóyi. Dwata he tendo nô béléem lómón yóm tehe knóen bè mà.

2 Samwél 15:21

Okóm yó balà Itay yóm tau hol geta, monen, “Safau hlanu bè boluy yóm Dwata là matayen, ne safau béléem, balù nô gónóm e mógów, tendohe mung kóm baluen ke mataye du.”

1 Bok Kem Tau Hol Geta 13:31

Timbow deng kebeng le du, yó udél yóm tugod Dwata deng tuha yó ebè yó kem ngaen logi, monen, “Ke denge matay, bè yó gónó ye lembeng do bè yóm gónón lebeng yóm tau Dwata. Hlasà ye kem tiolu klohok yóm kun tiol.

Kem Lingón 45:10

Ó Boi, ni hnungolem. Uu se ngaen libun yóm tau hol geta, hol henklinguhem nim ni. Klifótem ne yó kem fes lówó maem ne yóm kóm benwu.