Rut 1:15 - Udél Dwata: Gna Kesfasad ne Lomi Kesfasad

¹⁵ Yó mon Numi mò du, “Na Yô, tódô dnalangem dé yóm dumum seway, tódô mulék ebè tu kem kun dumu ne bè yóm kun dwata. Yake lemwóti ne slomongi du.”

Rut 1:15 Referans Kwoze

Sifanaya 1:6

Angat gotu nmou són le yó kem tau deng kmogol dou, là kô le bud hloni ebéléu ne là se kô le bud halak béléu.”

2 Bok Kem Tau Hol Geta 2:2

Yó mon Ilaydya mò ke Ilaysa, “Tebeli bè ni ne kóm, abay se hógów Dwata o etu bè Bétél.” Okóm yó balà Ilaysa du, monen, “Safau bè yóm Dwata là matayen ne safau bè yóm kóm klowil se kóm, là kô naw e tnagak kóm.” Tahu se, hlós le slomong ebè Bétél.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

1 Jan 2:19

Yó kem tau hmohon du yó, deng le tehe gel mung bélê tekuy snéen, okóm là tahu le hemtahu, yó gónó le tmagak tekuy. Ke tahu le hemtahu, là kô deng tnagak le tekuy. Yóm ktagak le tekuy yó, yó se gónón gfan yóm là klolò le du yóm kut lolò.

Hibru 10:38

Yó kem dou tau deng baling tedeng kmò le, lemwót bè yóm kehtahu le béléu gónó le hlós mowil. Okóm ke knogol le yóm kehtahu le béléu, là kô wen bud nawahu ebélê le ne.”

Kun Snulat Luk 24:28

Ngang le stulón mulit lan efet le deng moni bè yóm benwu gónó le e solu. Yóm deng kkól le bè yóm benwu yó, tódô tô hekteng ke Jisas,

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Kem Lingón 36:3

Kdê yó kem mon le, hono sigol ne sukat. Mom kenbê le yóm khulung hedem, kenbê le mò du yóm hyu.

Juswa 24:19

Yó bud udél Juswa ebè yó kem tau, monen, “Ngunte nim yu ke gbek ye lemolò ke Dwata. Tódô tngón ye se, du se yóm Dwata laen dù belenen ne tey sidek kélés nawahen du ke wen dumu dwata tnaba ye. Ne ke kenbê ye, là kô nan e hnifót kuy.

Rut 1:14

Omin le bud skik. Omin Urpa lemkef melek ke tuónen ne lemwót mulék. Okóm yó dum ke Rut kun, là kô kóhen du yóm kekefen ke tuónen.

Rut 1:16

Mom yó balà Rut du, monen, “Béem tô hulék ou, Wê Libun. Munge kóm. Balù nô gónóm e solu elese mung kóm. Balù nô gónóhem nô nóe bè yó se dou. Yó kem kóm tau baling dou tau. Ne yóm kóm Dwata bud yó se baling dou Dwata.