Rut 1:14 - Udél Dwata: Gna Kesfasad ne Lomi Kesfasad

¹⁴ Omin le bud skik. Omin Urpa lemkef melek ke tuónen ne lemwót mulék. Okóm yó dum ke Rut kun, là kô kóhen du yóm kekefen ke tuónen.

Rut 1:14 Referans Kwoze

Kem Udél Hlalak Tehe Selumun 18:24

Wen se tau olon beyen mon du, Wè, okóm wen he yóm swè mget senta kesetwoli.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Hibru 10:39

Okóm tólóng yóm bélê tekuy, là mkél tekuy bè yó kem tau knogol le yóm kehtahu le, ne hlós le lana. Okóm henlel tekuy yóm kehtahu tekuy anì angat tekuy gewà gu lem hatay.

Matyu 19:22

Timbow gungol nim lomi lemnok ni koni yóm udél Jisas ebéléen yó, tódô lemwót, ya tey sidek keblat nawahen, abay se nalihen yóm tey kendengenen.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Isaya 14:1

Angat bud mulék kodu Dwata kul yó kem kun tau Israél. Angat bud néléken lu mò hol kun tau nfun. Angat bud huléken lu ebè yóm sana kul benwu ne wen se kem tólóng tau angat mung menwu bélê le bè yó.

Kem Udél Hlalak Tehe Selumun 17:17

Yóm tau swè, són mò le sbong nawa ne hol lómón kestóbóng le ke wen hlayam sut bélê le lómón ke sesotu sut le.

1 Bok Kem Tau Hol Geta 19:20

Tódô tebel Ilaysa yó kem safien ne ktesen Ilaydya, yó monen mò du, “Nahu na nelek mau dé ne yéu mò balu kul lemwót, ominu yó mung kóm.” Yó balà Ilaydya du, monen, “Yó sen, okóm hol hendemem yóm deng nmou béléem.”

Dwata 10:20

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

2 Timuti 4:10

Ke Dimas kun, deng mom tódô tnagaken ou lanen dê kenbeyen nawan lem nim benwu ni. Ne ni deng mom kól bè syudad Tisalunika. Lemwót ke Krésén, deng kól bè prubinsya Glasya, ne fen kól bè Dalmasya ke Taytus.

Kul Nmò 17:34

Okóm wen se bélê le mung béléen ne baling le tau hemtahu. Sotuhen, yóm tau boluyen Junisyus, sotu tau mogot kukum bélê le. Bud yóm libun boluyen Damaris, ne wen he kem dumu tau baling hemtahu.

Tekang Kbuten 31:55

Ne hol hlafus bè yó, gotu nelek Laban lu yó kem téméen ne yó kem ngaen libun, ominen mbal kul ne mulék ebè benwuhen.

Tekang Kbuten 31:28

Là kô dog nam helek dou kul yó kem téméu ne yó kem ngau libun gu laan le là deng lemwót. Tey sidek nim nmoem béléu ni, Tò.

Dwata 4:4

Okóm kuy yu kem tau là monol nawahen ebè yóm sana kuy Dwata hol gónó mogot, tolo ye mowil yóm kmoen ni.

Rut 1:13

gbek ye kô mangat kul efet kbong le? Ke yó tô hendem ye, mom kuy gónó là gyehen bè dumu. Neet he, kem Yô. Deng knogolen o Dwata ne tey gkoduhu yu.”

Rut 1:15

Yó mon Numi mò du, “Na Yô, tódô dnalangem dé yóm dumum seway, tódô mulék ebè tu kem kun dumu ne bè yóm kun dwata. Yake lemwóti ne slomongi du.”

2 Samwél 19:39

Omin le gotu mifal Él Jurdan yóm kdéen tau, ne mifal se kun ke Dabid. Nahen nelek Barsilay, ominen mni béléen bè Dwata. Omin Barsilay mulék ebè yóm kun benwu.

Rut 1:7

Okóm bè yóm tolo knô le bè lan bè yóm kulék le ebè Juda,

Rut 2:11

“Tahu se,” mon Buas, “okóm deng gotu gungolu yóm kdê deng nmoem bè tuónem libun kogol yóm deng katay yehenem. Glokem tódô tmebel ke maem ne yéem ne yóm kóm benwu, nam e tódô nô lem blóng yó kem tau tehe là deng kóm tngón du.