Sulat Pol Ebè Yó Kem Tau Hemtahu Bè Rom 9:8 - Udél Dwata: Gna Kesfasad ne Lomi Kesfasad

⁸ Yó lanen yóm mon Dwata yó, là mlanen bè yóm kun óyô mngà Abraham yóm ngà nélék Dwata, okóm hol mlan bè yóm ngà tehe fasad Dwata du.

Sulat Pol Ebè Yó Kem Tau Hemtahu Bè Rom 9:8 Referans Kwoze

Kun Snulat Jan 1:13

Yóm kbaling le ngà Dwata yó, là mlanen bè yó dum kngà tau te tonok, duhen ke lemwót bè knóyô lówó tau. Okóm tódô lemwót bè yóm kun kmò du Dwata yóm kehbalingen kul kun ngà.

Sulat Pol Ebè Yó Kem Tau Hemtahu Bè Rom 8:14

Yó kem tau tendo halak bè Tulus Dwata, lu se hol tahu kun ngà Dwata.

Kem Lingón 87:6

Sok angat lista Dwata yó kem tau, yó monen, “Nim sotu nii, deng baling tau bè Jirusalim.”

Kem Lingón 22:30

Yó kem tau hulin kdaw, gotu le mimón béléen. Bud tles tulón le se kul bè kem lugod le yóm deng nmò Dwata.

Tekang Kbuten 31:15

Hol lómón ke tólóng me tau se kum. Deng hbaluen se mi ne deng gotuhen yóm filak bli lówó me, laen kô dù olò kum du.

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Sulat Pol Ebè Yó Kem Tau Hemtahu Bè Rom 8:16

Yó sem Tulus Dwata heglileb du tekuy yóm deng kngaen tekuy Dwata.

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

Hibru 11:11

Bud bè kehtahu Abraham snéen gónón wen ngaen, balù yóm deng tey ktuhahen. Ne yóm tuha libunen Sara, atil se kun. Tódô snaligen yóm tehe fasad Dwata du.