Sulat Pol Ebè Yó Kem Tau Hemtahu Bè Rom 9:7 - Udél Dwata: Gna Kesfasad ne Lomi Kesfasad

⁷ Senged se ke tehe Abraham ekni, là kdéen du tau semfu gu béléen ke hol kun tau Dwata. Lómón yóm tehe mon Dwata mò ke Abraham, monen, “Hlanu bè yóm ngaem Isak yóm fasadu kóm bè kwen yó kem angat lugodem.”Yó lanen yóm mon Dwata yó, là mlanen bè yóm kun óyô mngà Abraham yóm ngà nélék Dwata, okóm hol mlan bè yóm ngà tehe fasad Dwata du.

Sulat Pol Ebè Yó Kem Tau Hemtahu Bè Rom 9:7 Referans Kwoze

Tekang Kbuten 21:12

Okóm yó mon Dwata mò ke Abraham, “Béem hesbeweg kehedemem du yóm ngaem logi yó ne yóm hesekem Hagar. Tódô loloem yóm mon Sara mò kóm abay se angat mlan bè Isak yó kem ból deng fasadu kóm.

Hibru 11:18

Igò Dwata deng tehe mon du mò du, “Mlan bè Isak yó kem tau semfu gu béléem, yóm deng fasadu kóm.”Bè yóm tô kedsù Abraham yóm ngaen, yó hendemen gbek Dwata bud hlowil du balù ke deng matay. Bè ktahuhen, hol lómón ke deng tahu matay yóm ngaen, bede deng bud hlowil Dwata.

Glasya 4:23

Bè yóm kun keblutut yóm libun hesek, laen dù gónón stólóng se bè yó du kem dumu libun mlutut. Okóm yóm kun keblutut yóm libun là hesek du, tódô lemwót bè yóm fasad Dwata ke Abraham.

Flipay 3:3

Bè ktahuhen, tekuy se yóm tau wen tahu ilóen, là kô lu du. Abay se tekuy se yó kem tau gel hloni bè Dwata hlanen bè Tulusen. Tekuy se yóm alì hligal lemwót bè yóm deng kessotu tekuy bè Krays Jisas. Là bud snalig tekuy du ne yó kem gel hlolò tau mò lan tekuy gewà gu lem hatay.

Kun Snulat Luk 3:8

Ke deng knogol ye yó kem sidek gel nmò ye, hol hegdilô ye bè kmò ye. Ne bê ye abay tô ken-gel nawa yóm kesfu ye gu bè yóm tehe Abraham. Tódô tulónu kuy, balù ni he kem botu nii, botong gbek Dwata hembaling du tau mò semfu gu bè Abraham.

Kun Snulat Jan 8:33

Bnalà le Jisas yó kem dumu tau bè yó, mon le, “Semfu me gu bè Abraham se kum, là kô me kesfu hesek. Tedu se lanem mon du yó dum monem, ‘Angat ye gewà bè yóm gónó ye ghesek?’ ”

Kun Snulat Luk 16:30

Ne bud mon yóm tau tehe wen kendengenen, monen, ‘Là, Fù, là kô hnungol le du. Hnongum se ke wen tau bud mowil sut bélê le, ngem kaem knogol le yó kem sidek gel nmò le.’

Matyu 3:9

Ne bê ye abay tô ken-gel nawa yó dum kesfu ye gu bè yóm tehe Abraham ke yó tô lan ye gewà. Tódô tulónu kuy, balù ni he kem botu ni dé, botong gbek Dwata hembaling du tau mò semfu gu bè Abraham.

Glasya 4:28

Duhen yó, kem dumuhu setwoli, deng tekuy baling ngà Dwata ne lemwót bè yóm deng kdohò yóm tehe fasad Dwata. Deng tekuy hol mkél bè Isak, yóm ngà Sara, yóm ngà lemwót bè fasad Dwata ke Abraham.