Sulat Pol Ebè Yó Kem Tau Hemtahu Bè Rom 9:3 - Udél Dwata: Gna Kesfasad ne Lomi Kesfasad

³ bè yó kem dou dumu Ju, yó kem tau hol dou litô. Sidek kegnómu du abay se là kô le hemtahu bè Krays. Ke yó dum gmò, mom hyu dé ke ou fen tnafak Dwata mò tles lówó le, ne ke ou fen glayuk bè Krays anì lu yóm gewà gu lem tafak.

Sulat Pol Ebè Yó Kem Tau Hemtahu Bè Rom 9:3 Referans Kwoze

Kehewà 32:32

Ke yóm hyu béléem hol hnifótem lu. Okóm ke là móyói hmifót kul, tódô kóhem yóm dou boluy deng snulatem bè yóm bok gónóhem smulat boluy yó kem tauhem.”

Istér 8:6

Là kô gbeku hembala du ke deng glumfak bè yó kem dou dumu nim atulen ni. Là gbeku hembala du snéen ke gotu le matay yó kem dou dumu setwoli.”

Sulat Pol Ebè Yó Kem Tau Hemtahu Bè Rom 11:14

Ke ton yó kem dou dumu Ju yóm nmò Dwata bélê ye, déke angat le mófô bélê ye, ne bè yó gónón wen bélê le gewà gu lem hatay.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

1 Kurin 16:22

Yóm tau là kembong nawa du yóm gónó tekuy mogot, yake hol megtafak. Marana ta. Yó lanen, “Ó Gónó Mogot, géhéli bud semfulék ne.”

Glasya 3:13

Okóm laen kô dù tau gembek lemolò du nim ni. Yó gónóm mon, deng tekuy mom megtafak du. Okóm ke Krays, du fen megtafak lanen msok tekuy bè yóm deng kegtafak tekuy yó. Abay se deng monen bè Sulat Dwata, yó monen, “Ke wen tau matay bè kros, yó se ilô yóm ktafak Dwata du.”

Glasya 1:8

Okóm ke wen tau tô temles du yóm tehe tolok me kuy, senged ke mi duhen ke wen bè yó kem hógów Dwata gu bè longit, ten-geeden hógów knóen elem lanaw ofi.

1 Kurin 12:3

Yó gónóm mon, kóyóu ke hol tngón ye ke Tulus Dwata malak kuy duhen ke là. Yó ilóen yóm tau galak bè Tulus Dwata, là kô gbeken hemtolo ke Jisas. Ne sotuhen, là kô gbeken mon du, “Jisas yóm hol gónóhu mogot” ke là lemwóten bè yóm Tulus Dwata.

Sulat Pol Ebè Yó Kem Tau Hemtahu Bè Rom 11:1

Wen snólóku, kenbê Dwata lu ne kô yó kem kun tau Israél? Là kô yó du. Anì sem ou ni duu tau Israél, semfu gu bè yóm tehe Abraham. Ne mfue bè yóm sotu ngà Israél boluyen Bindyamin.

Kul Nmò 13:26

Ó kem dumuhu tau Israél,” mon Pol, “kem tau mfù bè Abraham, dalang se yu kem tau là Juhen deng hemtahu bè Dwata, ebélê tekuy se gónó Dwata e hemwit du yóm tulón mò gónó tekuy gewà gu lem hatay.

1 Samwél 14:44

Yó mon Sol mò du, “Tahu se, matayi. Dwata he hol hmatay do ke là matayi, Junatan.”

1 Samwél 14:24

Bè yóm kdaw kesgida le yó, gotu le lenmek yó kem tau Israél lemwót bè yóm alì kbitil le lan Sol deng smafà, monen, “Ke wen tau mken kemdaw ni gu laanu là deng gotu meles yó kem hohonu, hol matay yóm tau yó.” Yó gónóm mon, botong sendaw le là mken

Tekang Kbuten 29:14

mon Laban se, “Tahu se, hol tahu ngau uu, ssotu litô te.” Botong sbulón Jakub nô bélê le.

2 Samwél 18:33

Tódô gleket bè yóm tau hol geta yóm ksidek kegnómen du, tódô mógów elem yóm dfél nô ta yóm bak tikeb yóm syudad, ne hebtuen dlumuhen. Yó udélen, monen, “Ngau Absalum, Absalum, Absalum. Yake ou dé matay, béen uu Absalum, ngau.”

Kul Nmò 22:5

Baluen ke snólók ye yóm hol geta bè yó kem gel demsù ebè Dwata, dalang se yó kem geta mogot kukum lem blóng tekuy, ke kéngu nim monu ni. Bè yóm tehe kógówu ebè syudad Damaskus, wen sulat hnihu bélê le mò nitu ebè yó kem dumu le bè yó mò sulatu kemfô kdéen tau hemtahu bè yó. Tahu se, mógówe ebè Damaskus anì kenfóu lu, ne anì nfétu lu, ne nwitu lu ebè ni bè Jirusalim anì tnafak lu.”

Kul Nmò 28:21

Ne bnalà le Pol, mon le, “Laen kô deng sulat lemwót gu bè Judiya he ke wen tulón le gbak ebéléem. Ne laen se dù kem dumu me Ju lemwót bè yó ke wen sidek tulón le gbak ebéléem.

Sulat Pol Ebè Yó Kem Tau Hemtahu Bè Rom 1:3

Yó hol lemen nim Tulón Hyu ni, duhen yóm Ngaen, Jisas Krays. Tulónen yóm tehe le kehbalingen tau semfu gu bè yóm tehe Dabid.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du

Sulat Pol Ebè Yó Kem Tau Hemtahu Bè Rom 16:7

Tulón ye do ke Andrunikus ne Juniyas yóm gel kólómu kul. Lu se hol dumuhu Ju. Tehe le mung geblanggù béléu ekni. Gna le se kul he hemtahu bè Krays, hulihe dou. Tey któtól boluy le lem blóng yó kem sfolò lewu deng nélék Jisas mò gel hógówen.

Sulat Pol Ebè Yó Kem Tau Hemtahu Bè Rom 16:11

Bud hendemu yóm sotu dumuhu Ju boluyen Hirodiyan. Ne yó kem logi hemtahu bè yó kem fes lówó Narsisus, hol hgefet ye ebélê le yóm gel kólómu kul.

Sulat Pol Ebè Yó Kem Tau Hemtahu Bè Rom 16:21

Timuti se sotu dumuhu mò nmò bè ni. Tey kólómen kuy se kun. Dalang se kul le Lusyus ne Jasun ne Susipatér, hono kem dumuhu Ju.

2 Kurin 12:15

Baluen ke gotu blayu kuy kdéen gónóhu wen, tey bong he kligalu du. Ne baluen ke hotuhu són gelu tmóbóng kuy, mom hyu he nawahu du. Tey bong se yóm dou nawa kuy. Fen yó kô balà ye du yóm tey kudì nawa ye do?

Glasya 1:9

Deng tehe tulón me kuy nim ni, okóm ni bud nulitu bélê ye. Balù kihu tau ke tólóng toloken, ke là sengeden bè yóm kum tolok deng henmóyô ye, angat mógów elem lanaw ofi yóm tau yó.

Ifisus 6:5

Ne yu kem tau klifen, hol gel nimón ye yó kem tau mfun kuy lemwót bè yóm kadat ye kul. Hewót ye lem but blutut ye yóm kimón ye kul, hol lómón se ke Krays yóm nimón ye.